مہرباں ہو کے جب ملیں گے آپ
جو نہ ملتے تھے سب ملیں گے آپ
mehrban ho ke jab milenge aap
jo na milte the sab milenge aap
دم رخصت یہ چھیڑ تو دیکھو
مجھ سے کہتے ہیں کب ملیں گے آپ
dam-e-rukhsat ye chheD to dekho
mujh se kahte hain kab milenge aap
آپ کیوں خاک میں ملاتے ہیں
ہم مصیبت طلب ملیں گے آپ
aap kyun khak men milate hain
ham musibat-talab milenge aap
کارواں کی تلاش کیا اے دل
آ کے منزل پہ سب ملیں گے آپ
karvan ki talash kya ai dil
aa ke manzil pe sab milenge aap
ایک تو وعدہ اور اس پہ قسم
یہ یقیں ہے کہ اب ملیں گے آپ
ek to vada aur us pe qasam
ye yaqin hai ki ab milenge aap
داغؔ اک آدمی ہے گرما گرم
خوش بہت ہوں گے جب ملیں گے آپ
Dagh ik aadmi hai garma-garm
khush bahut honge jab milenge aap
