ہم اپنے ہی سر لیں گے مصیبت ہو کسی کی
آئے گی اسی جان پہ آفت ہو کسی کی
ham apne hi sar lenge musibat ho kisi ki
aaegi isi jaan pe aafat ho kisi ki
ہم لطف کے رتبے کو ابھی جانچ رہے ہیں
دل دیں اگر ایسی ہی عنایت ہو کسی کی
ham lutf ke rutbe ko abhi janch rahe hain
dil den agar aisi hi inayat ho kisi ki
کیوں وصل کی شب ہاتھ لگانے نہیں دیتے
معشوق ہو یا کوئی امانت ہو کسی کی
kyun vasl ki shab hath lagane nahin dete
mashuq ho ya koi amanat ho kisi ki
اے نامہ بر احوال غم ہجر تو لکھ دوں
ایسا نہ ہو میری ہی سی حالت ہو کسی کی
ai nama-bar ahval-e-gham-e-hijr to likh dun
aisa na ho meri hi si halat ho kisi ki
لڑنا کبھی ملنا کبھی آنا کبھی جانا
تم شوخ ہو یا شوخ طبیعت ہو کسی کی
laDna kabhi milna kabhi aana kabhi jaana
tum shokh ho ya shokh tabiat ho kisi ki
لو رہنے دو تسکیں کے لئے غیر کی تصویر
شاید جو نہ ہوں میں تو ضرورت ہو کسی کی
lo rahne do taskin ke liye ghair ki tasvir
shayad jo na hun main to zarurat ho kisi ki
