وہ اس ادا سے وہاں جا کے شرمسار آیا
رقیب پر مجھے بے اختیار پیار آیا
vo is ada se vahan ja ke sharmsar aaya
raqib par mujhe be-ikhtiyar pyar aaya
یہ حال تھا شب وعدہ کہ تا بہ راہ گزر
ہزار بار گیا میں ہزار بار آیا
ye haal tha shab-e-vada ki ta-ba-rahguzar
hazar baar gaya main hazar baar aaya
ترا ہی کوچہ ٹھکانہ ہے خاکساروں کا
جو زندہ آ نہ سکا میں مرا غبار آیا
tira hi kucha Thikana hai khaksaron ka
jo zinda aa na saka main mira ghubar aaya
مزے اڑائے وہاں خوش رہا لیا انعام
یہاں جو نامہ بر آیا تو اشک بار آیا
maze uDae vahan khush raha liya inam
yahan jo nama-bar aaya to ashk-bar aaya
گزر گئے اسی گردش میں اپنے لیل و نہار
شب فراق گئی روز انتظار آیا
guzar gae isi gardish men apne lail-o-nahar
shab-e-firaq gai roz-e-intizar aaya
کہاں تھے شب کو تمہیں کچھ خبر بھی ہے کہ نہیں
کوئی پکارنے والا بہت پکار آیا
kahan the shab ko tumhen kuchh khabar bhi hai ki nahin
koi pukarne vala bahut pukar aaya
کمال عشق کو فرہاد و قیس کب پہنچے
وہ پختہ کار ہے دل جس کا بار بار آیا
kamal-e-ishq ko Farhad-o-Qais kab pahunche
vo pukhta-kar hai dil jis ka baar baar aaya
