چھوڑتا مجھ کو نہ بسمل وہ مگر چھوڑ دیا
سر پہ احسان رہے اس لیے سر چھوڑ دیا
chhoDta mujh ko na bismil vo magar chhoD diya
sar pe ehsan rahe is liye sar chhoD diya
ٹکڑے ٹکڑے کیا ناصح کا گریباں میں نے
شکر ہے اس نے مرا دامن تر چھوڑ دیا
TukDe TukDe kiya naseh ka gareban main ne
shukr hai us ne mira daman-e-tar chhoD diya
کام سب خانہ خرابی کے ہوئے ہیں تجھ سے
رحم کھا کر تجھے اے دیدۂ تر چھوڑ دیا
kaam sab khana-kharabi ke hue hain tujh se
rahm kha kar tujhe ai dida-e-tar chhoD diya
پھر کہاں تھا نہ یہاں تھا نہ وہاں تھا وہ شوخ
دامن اس کا جو سر راہ گزر چھوڑ دیا
phir kahan tha na yahan tha na vahan tha vo shokh
daman us ka jo sar-e-rahguzar chhoD diya
لے گئی تھی ترے دیوانہ کو گھر سے وحشت
نہیں معلوم کہ جنگل میں کدھر چھوڑ دیا
le gai thi tire divana ko ghar se vahshat
nahin malum ki jangal men kidhar chhoD diya
داغؔ وارفتہ طبیعت کا ٹھکانہ کیا ہے
خانہ برباد نے مدت ہوئی گھر چھوڑ دیا
Dagh-e-varafta-tabiat ka Thikana kya hai
khana-barbad ne muddat hui ghar chhoD diya
