غم اٹھانے کے واسطے دم ہے
زندگی ہے اگر تو کیا غم ہے
gham uThane ke vaste dam hai
zindagi hai agar to kya gham hai
کہتے ہو کچھ کہو کہوں کیا خاک
جانتا ہوں مزاج برہم ہے
kahte ho kuchh kaho kahun kya khak
janta hun mizaj barham hai
گریہ بے اثر کی کچھ حد بھی
ہم ہیں اور آج چشم پر نم ہے
girya-e-be-asar ki kuchh had bhi
ham hain aur aaj chashm pur-nam hai
کیا نئے دوستوں سے بگڑی آج
دشمنوں کا کچھ اور عالم ہے
kya nae doston se bigDi aaj
dushmanon ka kuchh aur aalam hai
مجھ کو دیکھا تو غیر سے یہ کہا
عمر اس نوجوان کی کم ہے
mujh ko dekha to ghair se ye kaha
umr is naujavan ki kam hai
گر خوشی ہے تو وصل کی ہے خوشی
غم اگر ہے تو ہجر کا غم ہے
gar khushi hai to vasl ki hai khushi
gham agar hai to hijr ka gham hai
سنتے ہیں داغؔ کل وہ آئے تھے
بارے اب تو سلوک باہم ہے
sunte hain Dagh kal vo aae the
baare ab to suluk baham hai
