دل پریشان ہوا جاتا ہے
اور سامان ہوا جاتا ہے
Dil pareshaan hua jaata hai
Aur saamaan hua jaata hai
موت سے پہلے مجھے قتل کرو
اس کا احسان ہوا جاتا ہے
Maut se pehle mujhe qatl karo
Is ka ehsaan hua jaata hai
دم ذرا لو کہ مرا دم تم پر
ابھی قربان ہوا جاتا ہے
Dam zara lo ki mera dam tum par
Abhi qurbaan hua jaata hai
گریہ کیا ضبط کروں اے ناصح
اشک پیمان ہوا جاتا ہے
Girya kya zabt karun ai naaseh
Ashk paimaan hua jaata hai
بے وفائی سے بھی رفتہ رفتہ
وہ مری جان ہوا جاتا ہے
Be-wafaai se bhi rafta rafta
Vo meri jaan hua jaata hai
مدد اے ہمت دشوارپسند
کام آسان ہوا جاتا ہے
Madad ai himmat-e-dushwaar-pasand
Kaam aasaan hua jaata hai
چھائی جاتی ہے یہ وحشت کیسی
گھر بیابان ہوا جاتا ہے
Chhaai jaati hai ye vahshat kaisi
Ghar bayaabaan hua jaata hai
شکوہ سن آنکھ ملا کر ظالم
کیوں پشیمان ہوا جاتا ہے
Shikwa sun aankh mila kar zaalim
Kyun pashemaan hua jaata hai
آتش شوق بجھی جاتی ہے
خاک ارمان ہوا جاتا ہے
Aatish-e-shauq bujhi jaati hai
Khaak armaan hua jaata hai
عذر جانے میں نہ کر اے قاصد
تو بھی نادان ہوا جاتا ہے
Uzr jaane mein na kar ai qaasid
Tu bhi naadaan hua jaata hai
مضطرب کیوں نہ ہوں ارماں دل میں
قید مہمان ہوا جاتا ہے
Muztarib kyun na hon armaan dil mein
Qaid mehmaan hua jaata hai
داغؔ خاموش نہ لگ جائے نظر
شعر دیوان ہوا جاتا ہے
Dagh khaamosh na lag jaaye nazar
Sher deewaan hua jaata hai
