جفا پر جان دیتے ہیں ستم پر تیرے مرتے ہیں
یہ ناکام محبت سچ تو یہ ہے کام کرتے ہیں
jafa par jaan dete hain sitam par tere marte hain
ye nakam-e-mohabbat sach to ye hai kaam karte hain
کہیں کیا ہم پہ جو صدمہ گزرتے ہیں گزرتے ہیں
لگایا جس گھڑی دل اس گھڑی کو یاد کرتے ہیں
kahen kya ham pe jo sadma guzarte hain guzarte hain
lagaya jis ghaDi dil us ghaDi ko yaad karte hain
تماشہ جب سے دیکھا ہے مرے دل کے تڑپنے کا
تماشہ ہے کہ وہ اپنی نظر سے آپ ڈرتے ہیں
tamasha jab se dekha hai mire dil ke taDapne ka
tamasha hai ki vo apni nazar se aap Darte hain
نہیں آتے نہ آئیں وہ گئے تاب و تواں جائیں
تجھی پر آج ہم اے بے قراری صبر کرتے ہیں
nahin aate na aaen vo gae tab-o-tavan jaaen
tujhi par aaj ham ai beqarari sabr karte hain
ادا بے ساختہ ان گیسوؤں کی کچھ نرالی ہے
بنائے سے بگڑتے ہیں سنوارے سے بکھرتے ہیں
ada be-sakhta un gesuon ki kuchh nirali hai
banae se bigaDte hain sanvare se bikharte hain
نہ پوچھو داغؔ ہم سے انتظار یار کی صورت
یہ آنکھیں جانتی ہیں خوب جو نقشے گزرتے ہیں
na puchho Dagh ham se intizar-e-yar ki surat
ye aankhen jaanti hain khub jo naqshe guzarte hain
