اول تو رہے دور وہ نالوں سے ہمارے
پاس آئے تو گھبرائے سوالوں سے ہمارے
avval to rahe dur vo nalon se hamare
paas aae to ghabrae savalon se hamare
یہ کہتے ہیں بلبل سے وہ گل ہاتھ میں لے کر
تو دیکھ ملا کر اسے گالوں سے ہمارے
ye kahte hain bulbul se vo gul haath mein le kar
tu dekh mila kar use galon se hamare
کیا برہنہ پا دشت میں لاکھوں بھی نہ ہوں گے
کانٹوں کو مگر چھیڑ ہے چھالوں سے ہمارے
kya barahna-pa dasht mein lakhon bhi na honge
kanTon ko magar chheD hai chhalon se hamare
ہر وقت نئی دھن ہے ہمیں تازہ تصور
جاؤ گے کہاں بچ کے خیالوں سے ہمارے
har vaqt nai dhun hai hamein taza tasavvur
jaoge kahan bach ke khayalon se hamare
کہتی ہیں وہ آنکھیں صف مژگاں کو بڑھا کر
ہے کون جو روکش ہو رسالوں سے ہمارے
kahti hain vo aankhen saf-e-mizhgan ko baDha kar
hai kaun jo rokash ho risalon se hamare
اے داغؔ فلک دشمن ارباب ہنر ہے
ظالم کو خبر ہو نہ کمالوں سے ہمارے
ai Dagh falak dushman-e-arbab-e-hunar hai
zalim ko khabar ho na kamalon se hamare
