ذرا وصل پر ہو اشارہ تمہارا
ابھی فیصلہ ہے ہمارا تمہارا
zara vasl par ho ishara tumhara
abhi faisla hai hamara tumhara
محبت کے دعوے ملے خاک میں سب
وہ کہتے ہیں کیا ہے اجارہ تمہارا
mohabbat ke dave mile khak men sab
vo kahte hain kya hai ijara tumhara
رکاوٹ نہ ہوتی تو دل ایک ہوتا
تمہارا ہمارا ہمارا تمہارا
rukavaT na hoti to dil ek hota
tumhara hamara hamara tumhara
نکل کر مرے گھر سے یہ جان لو تم
نہ ہوگا کسی گھر گزارہ تمہارا
nikal kar mire ghar se ye jaan lo tum
na hoga kisi ghar guzara tumhara
سنا ہے کسی اور کو چاہتا ہے
وہ دشمن ہمارا وہ پیارا تمہارا
suna hai kisi aur ko chahta hai
vo dushman hamara vo pyara tumhara
کریں گے سفارش ہم اے داغؔ ان سے
اگر ذکر آیا دوبارہ تمہارا
karenge sifarish ham ai Dagh un se
agar zikr aaya dobara tumhara
