دل لے چلا ہے باندھ کے دل بر کے روبرو
جاتا ہے اک اسیر ستم گر کے روبرو
dil le chala hai baandh ke dilbar ke ru-ba-ru
jaata hai ik asir sitamgar ke ru-ba-ru
آنسو بہا رہا ہوں خط یار پڑھ کے میں
یوں دانہ ڈالتا ہوں کبوتر کے روبرو
aansu baha raha hun khat-e-yar paDh ke main
yun dana Dalta hun kabutar ke ru-ba-ru
حاصل ہوئی بھی عقل فلاطوں اگر تو کیا
چلتی نہیں کسی کی مقدر کے روبرو
hasil hui bhi aql-e-falatun agar to kya
chalti nahin kisi ki muqaddar ke ru-ba-ru
اے داغؔ ہوگا ہم سے کسی کا جواب کیا
مقدار چشم کیا ہے سمندر کے روبرو
ai Dagh hoga ham se kisi ka javab kya
miqdar-e-chashm kya hai samundar ke ru-ba-ru
