دیکھا نہ ہم نے رشک سے اغیار کی طرف
منہ پھیر بیٹھے بزم میں دیوار کی طرف
dekha na ham ne rashk se aghyar ki taraf
munh pher baiThe bazm mein divar ki taraf
سیل سرشک اپنے ہی گھر میں بہائیں گے
کیوں جائے یہ بلا تری دیوار کی طرف
sail-e-sirishk apne hi ghar mein bahaenge
kyun jaae ye bala tiri divar ki taraf
بیٹھے بٹھائے آئے جو شامت تو کیا علاج
دل نے کہا کہ آؤ چلیں یار کی طرف
baiThe biThae aae jo shamat to kya ilaj
dil ne kaha ki aao chalen yaar ki taraf
چاہی تھی داد ہم نے دل صاف کی مگر
آئینہ ہو گیا ترے رخسار کی طرف
chahi thi daad ham ne dil-e-saf ki magar
aaina ho gaya tire rukhsar ki taraf
تصویر کو بھی اس کی یہاں تک غرور ہے
دیکھے کبھی نہ طالب دیدار کی طرف
tasvir ko bhi us ki yahan tak ghurur hai
dekhe kabhi na talib-e-didar ki taraf
دی جان کس خوشی سے تہ تیغ داغؔ نے
لب پر تبسم اور نظر یار کی طرف
di jaan kis khushi se tah-e-tegh Dagh ne
lab par tabassum aur nazar yaar ki taraf
