فتنہ گر کیا مکان سے نکلا
آسماں آسمان سے نکلا
fitna-gar kya makan se nikla
asman asman se nikla
دل میں رہنے نہ دوں ترا شکوہ
دل میں آیا زبان سے نکلا
dil mein rahne na dun tira shikva
dil mein aaya zaban se nikla
وہم آتے ہیں دیکھیے کیا ہو
وہ اکیلا مکان سے نکلا
vahm aate hain dekhiye kya ho
vo akela makan se nikla
سچ تو یہ ہے معاملہ دل کا
باہر اپنے گمان سے نکلا
sach to ye hai muamla dil ka
bahar apne guman se nikla
میرے آنسو کی اس نے کی تعریف
خوب موتی یہ کان سے نکلا
mere aansu ki us ne ki tarif
khub moti ye kaan se nikla
ہم کھڑے تم سے باتیں کرتے تھے
غیر کیوں درمیان سے نکلا
ham khaDe tum se baaten karte the
ghair kyun darmiyan se nikla
ذکر اہل وفا کا جب آیا
داغؔ ان کی زبان سے نکلا
zikr ahl-e-vafa ka jab aaya
Dagh un ki zaban se nikla
