دل گیا تم نے لیا ہم کیا کریں
جانے والی چیز کا غم کیا کریں
Dil gaya tum ne liya ham kya karen
Jaane vaali chiiz ka gham kya karen
ہم نے مر کر ہجر میں پائی شفا
ایسے اچھوں کا وہ ماتم کیا کریں
Ham ne mar kar hijr mein paai shifa
Aise achchhon ka vo maatam kya karen
اپنے ہی غم سے نہیں ملتی نجات
اس بنا پر فکر عالم کیا کریں
Apne hi gham se nahin milti najaat
Is bina par fikr-e-aalam kya karen
ایک ساغر پر ہے اپنی زندگی
رفتہ رفتہ اس سے بھی کم کیا کریں
Ek saaghar par hai apni zindagi
Rafta rafta is se bhi kam kya karen
کر چکے سب اپنی اپنی حکمتیں
دم نکلتا ہو تو ہمدم کیا کریں
Kar chuke sab apni apni hikmaten
Dam nikalta ho to hamdam kya karen
دل نے سیکھا شیوۂ بیگانگی
ایسے نامحرم کو محرم کیا کریں
Dil ne seekha shewa-e-begaanagi
Aise na-mahram ko mahram kya karen
معرکہ ہے آج حسن و عشق کا
دیکھیے وہ کیا کریں ہم کیا کریں
Maarka hai aaj husn-o-ishq ka
Dekhiye vo kya karen ham kya karen
آئینہ ہے اور وہ ہیں دیکھیے
فیصلہ دونوں یہ باہم کیا کریں
Aaina hai aur vo hain dekhiye
Faisla donon ye baaham kya karen
تند خو ہے کب سنے وہ دل کی بات
اور بھی برہم کو برہم کیا کریں
Tund-khu hai kab sune vo dil ki baat
Aur bhi barham ko barham kya karen
کہتے ہیں اہل سفارش مجھ سے داغؔ
تیری قسمت ہے بری ہم کیا کریں
Kahte hain ahl-e-sifarish mujh se Dagh
Teri qismat hai buri ham kya karen
