رنج کی جب گفتگو ہونے لگی
آپ سے تم تم سے تو ہونے لگی
Ranj ki jab guftugu hone lagi
Aap se tum tum se tu hone lagi
میری رسوائی کی نوبت آ گئی
ان کی شہرت کو بہ کو ہونے لگی
Meri rusvaai ki naubat aa gai
Un ki shohrat ku-ba-ku hone lagi
ہے تری تصویر کتنی بے حجاب
ہر کسی کے رو بہ رو ہونے لگی
Hai tiri tasvir kitni be-hijaab
Har kisi ke ru-ba-ru hone lagi
غیر کے ہوتے بھلا اے شام وصل
کیوں ہمارے رو بہ رو ہونے لگی
Ghair ke hote bhala ai shaam-e-vasl
Kyun hamaare ru-ba-ru hone lagi
ناامیدی بڑھ گئی ہے اس قدر
آرزو کی آرزو ہونے لگی
Na-ummidi baDh gai hai is qadar
Aarzu ki aarzu hone lagi
اب کے مل کر دیکھیے کیا رنگ ہو
پھر ہماری جستجو ہونے لگی
Ab ke mil kar dekhiye kya rang ho
Phir hamaari justuju hone lagi
داغؔ اترائے ہوئے پھرتے ہیں آج
شاید ان کی آبرو ہونے لگی
Dagh itraae hue phirte hain aaj
Shaayad un ki aabru hone lagi
