ذکر میرا اگر آ جاتا ہے
سن کے وہ صاف اڑا جاتا ہے
zikr mera agar aa jata hai
sun ke vo saaf uDa jata hai
غم ترا حصہ ہے میرا لیکن
دل چرا کر اسے کھا جاتا ہے
gham tira hissa hai mera lekin
dil chura kar use kha jata hai
کیا نزاکت ہے کہ آپ آئنہ میں
عکس کے ساتھ کھنچا جاتا ہے
kya nazakat hai ki aap aaina men
aks ke saath khincha jata hai
ناز سے کھینچ نہ مجھ پر تلوار
غیر مشتاق ہوا جاتا ہے
naaz se khinch na mujh par talvar
ghair mushtaq hua jata hai
حسرتیں دل کی مٹی جاتی ہیں
قافلہ ہے کہ لٹا جاتا ہے
hasraten dil ki miTi jaati hain
qafila hai ki luTa jata hai
داغؔ کو دیکھ کے بولے یہ شخص
آپ ہی آپ جلا جاتا ہے
Dagh ko dekh ke bole ye shakhs
aap hi aap jala jata hai
