واں اگر جائیں تو لے کر جائیں کیا
منہ اسے ہم جا کے یہ دکھلائیں کیا
vaan agar jaaen to le kar jaaen kya
munh use hum ja ke ye dikhlaen kya
آؤ لیں اس کو ہمیں جا کر منا
اس کی بے پروائیوں پر جائیں کیا
aao len us ko hamin ja kar mana
us ki be-parvaiyon par jaaen kya
عمر کی منزل تو جوں توں کٹ گئی
مرحلے اب دیکھیے پیش آئیں کیا
umr ki manzil to jun tun kat gai
marhale ab dekhiye pesh aaen kya
دل کو سب باتوں کی ہے ناصح خبر
سمجھے سمجھائے کو بس سمجھائیں کیا
dil ko sab baton ki hai naseh khabar
samjhe samjhae ko bas samjhaen kya
ہو چکے حالیؔ غزل خوانی کے دن
راگنی بے وقت کی اب گائیں کیا
ho chuke Hali ghazal-khvani ke din
ragini be-vaqt ki ab gaaen kya
