اے پہاڑوں کی دل فریب فضا
اے لب جو کی ٹھنڈی ٹھنڈی ہوا
Ai pahadon ki dil-fareb faza
Ai lab-e-ju ki thandi thandi hawa
اے عنادل کے نغمۂ سحری
اے شب ماہتاب تاروں بھری
Ai anadil ke naghma-e-sahari
Ai shab-e-mahtab taron bhari
اے نسیم بہار کے جھونکو
دہر ناپائیدار کے دھوکو
Ai naseem-e-bahar ke jhonko
Dahr-e-na-paedar ke dhoko
تم ہر اک حال میں ہو یوں تو عزیز
تھے وطن میں مگر کچھ اور ہی چیز
Tum har ik haal mein ho yun to aziz
The watan mein magar kuchh aur hi cheez
جب وطن میں ہمارا تھا رمنا
تم سے دل باغ باغ تھا اپنا
Jab watan mein hamara tha ramna
Tum se dil bagh bagh tha apna
تم مری دل لگی کے ساماں تھے
تم مرے درد دل کے درماں تھے
Tum meri dil-lagi ke saman the
Tum mere dard-e-dil ke darman the
تم سے کٹتا تھا رنج تنہائی
تم سے پاتا تھا دل شکیبائی
Tum se katta tha ranj-e-tanhai
Tum se pata tha dil shakebai
آن اک اک تمہاری بھاتی تھی
جو ادا تھی وہ جی لبھاتی تھی
Aan ik ik tumhari bhati thi
Jo ada thi wo ji lubhati thi
کرتے تھے جب تم اپنی غم خواری
دھوئی جاتی تھیں کلفتیں ساری
Karte the jab tum apni gham-khwari
Dhoi jati thin kulfaten sari
جب ہوا کھانے باغ جاتے تھے
ہو کے خوش حال گھر میں آتے تھے
Jab hawa khane bagh jate the
Ho ke khush-haal ghar mein aate the
بیٹھ جاتے تھے جب کبھی لب آب
دھو کے اٹھتے تھے دل کے داغ شتاب
Baith jate the jab kabhi lab-e-aab
Dho ke uthte the dil ke daagh shitab
کوہ و صحرا و آسمان و زمیں
سب مری دل لگی کی شکلیں تھیں
Koh o sahra o aasman o zamin
Sab meri dil-lagi ki shaklen thin
پر چھٹا جس سے اپنا ملک و دیار
جی ہوا تم سے خود بہ خود بیزار
Par chhuta jis se apna mulk o dayar
Ji hua tum se khud-ba-khud bezar
نہ گلوں کی ادا خوش آتی ہے
نہ صدا بلبلوں کی بھاتی ہے
Na gulon ki ada khush aati hai
Na sada bulbulon ki bhati hai
سیر گلشن ہے جی کا اک جنجال
شب مہتاب جان کو ہے وبال
Sair-e-gulshan hai ji ka ik janjal
Shab-e-mahtab jaan ko hai wabal
کوہ و صحرا سے تا لب دریا
جس طرف جائیں جی نہیں لگتا
Koh o sahra se ta lab-e-darya
Jis taraf jaen ji nahin lagta
کیا ہوئے وہ دن اور وہ راتیں
تم میں اگلی سی اب نہیں باتیں
Kya hue wo din aur wo raaten
Tum mein agli si ab nahin baaten
ہم ہی غربت میں ہو گئے کچھ اور
یا تمہارے بدل گئے کچھ طور
Hum hi ghurbat mein ho gaye kuchh aur
Ya tumhare badal gaye kuchh taur
گو وہی ہم ہیں اور وہی دنیا
پر نہیں ہم کو لطف دنیا کا
Go wahi hum hain aur wahi duniya
Par nahin hum ko lutf duniya ka
رات اور دن کا وہ سماں نہ رہا
وہ زمیں اور وہ آسماں نہ رہا
Raat aur din ka wo saman na raha
Wo zamin aur wo aasman na raha
تیری دوری ہے مورد آلام
تیرے چھٹنے سے چھٹ گیا آرام
Teri doori hai mawrid-e-aalam
Tere chhutne se chhut gaya aaram
کاٹے کھاتا ہے باغ بن تیرے
گل ہیں نظروں میں داغ بن تیرے
Kaate khata hai bagh bin tere
Gul hain nazron mein daagh bin tere
مٹ گیا نقش کامرانی کا
تجھ سے تھا لطف زندگانی کا
Mit gaya naqsh kamrani ka
Tujh se tha lutf zindagani ka
جو کہ رہتے ہیں تجھ سے دور سدا
ان کو کیا ہوگا زندگی کا مزا
Jo ki rahte hain tujh se door sada
Un ko kya hoga zindagi ka maza
ہو گیا یاں تو دو ہی دن میں یہ حال
تجھ بن ایک ایک پل ہے اک اک سال
Ho gaya yaan to do hi din mein ye haal
Tujh bin ek ek pal hai ik ik saal
سچ بتا تو سبھی کو بھاتا ہے
یا کہ مجھ سے ہی تیرا ناتا ہے
Sach bata tu sabhi ko bhata hai
Ya ki mujh se hi tera nata hai
میں ہی کرتا ہوں تجھ پہ جان نثار
یا کہ دنیا ہے تیری عاشق زار
Main hi karta hun tujh pe jaan nisar
Ya ki duniya hai teri aashiq-e-zar
کیا زمانے کو تو عزیز نہیں
اے وطن تو تو ایسی چیز نہیں
Kya zamane ko tu aziz nahin
Ai watan tu to aisi cheez nahin
ہے نباتات کا نمو تجھ سے
روکھ تجھ بن ہرے نہیں ہوتے
Hai nabatat ka numu tujh se
Rookh tujh bin hare nahin hote
سب کو ہوتا ہے تجھ سے نشو و نما
سب کو بھاتی ہے تیری آب و ہوا
Sab ko hota hai tujh se nashw-o-numa
Sab ko bhati hai teri aab o hawa
قدر اے دل وطن میں رہنے کی
پوچھے پردیسیوں کے جی سے کوئی
Qadr ai dil watan mein rahne ki
Poochhe pardesiyon ke ji se koi
اے دل اے بندۂ وطن ہوشیار
خواب غفلت سے ہو ذرا بیدار
Ai dil ai banda-e-watan hushyar
Khwab-e-ghaflat se ho zara bedar
او شراب خودی کے متوالے
گھر کی چوکھٹ کے چومنے والے
O sharab-e-khudi ke matwale
Ghar ki chaukhat ke choomne wale
نام ہے کیا اسی کا حب وطن
جس کی تجھ کو لگی ہوئی ہے لگن
Naam hai kya isi ka hubb-e-watan
Jis ki tujh ko lagi hui hai lagan
کبھی بچوں کا دھیان آتا ہے
کبھی یاروں کا غم ستاتا ہے
Kabhi bachchon ka dhyan aata hai
Kabhi yaron ka gham satata hai
یاد آتا ہے اپنا شہر کبھی
لو کبھی اہل شہر کی ہے لگی
Yaad aata hai apna shahr kabhi
Lau kabhi ahl-e-shahr ki hai lagi
نقش ہیں دل پہ کوچہ و بازار
پھرتے آنکھوں میں ہیں در و دیوار
Naqsh hain dil pe kucha o bazar
Phirte aankhon mein hain dar o deewar
کیا وطن کیا یہی محبت ہے
یہ بھی الفت میں کوئی الفت ہے
Kya watan kya yahi mohabbat hai
Ye bhi ulfat mein koi ulfat hai
اس میں انساں سے کم نہیں ہیں درند
اس سے خالی نہیں چرند و پرند
Is mein insan se kam nahin hain darind
Is se khali nahin charind o parind
ٹکڑے ہوتے ہیں سنگ غربت میں
سوکھ جاتے ہیں روکھ فرقت میں
Tukde hote hain sang ghurbat mein
Sookh jate hain rookh furqat mein
جا کے کابل میں آم کا پودا
کبھی پروان چڑھ نہیں سکتا
Ja ke Kabul mein aam ka pauda
Kabhi parwan chadh nahin sakta
آ کے کابل سے یاں بہی و انار
ہو نہیں سکتے بارور زنہار
Aa ke Kabul se yaan bihi o anar
Ho nahin sakte bar-awar zinhar
مچھلی جب چھوٹتی ہے پانی سے
ہاتھ دھوتی ہے زندگانی سے
Machhli jab chhutti hai pani se
Haath dhoti hai zindagani se
آگ سے جب ہوا سمندر دور
اس کو جینے کا پھر نہیں مقدور
Aag se jab hua samandar door
Us ko jeene ka phir nahin maqdoor
گھوڑے جب کھیت سے بچھڑتے ہیں
جان کے لالے ان کے پڑتے ہیں
Ghode jab khet se bichhadte hain
Jaan ke lale un ke padte hain
گائے، بھینس اونٹ ہو یا بکری
اپنے اپنے ٹھکانے خوش ہیں سبھی
Gaye bhains oont ho ya bakri
Apne apne thikane khush hain sabhi
کہیے حب وطن اسی کو اگر
ہم سے حیواں نہیں ہیں کچھ کم تر
Kahiye hubb-e-watan isi ko agar
Hum se haiwan nahin hain kuchh kamtar
ہے کوئی اپنی قوم کا ہمدرد
نوع انساں کا سمجھیں جس کو فرد
Hai koi apni qaum ka hamdard
Nau-e-insan ka samjhen jis ko fard
جس پہ اطلاق آدمی ہو صحیح
جس کو حیواں پہ دے سکیں ترجیح
Jis pe itlaq aadmi ho sahih
Jis ko haiwan pe de saken tarjih
قوم پر کوئی زد نہ دیکھ سکے
قوم کا حال بد نہ دیکھ سکے
Qaum par koi zad na dekh sake
Qaum ka haal-e-bad na dekh sake
قوم سے جان تک عزیز نہ ہو
قوم سے بڑھ کے کوئی چیز نہ ہو
Qaum se jaan tak aziz na ho
Qaum se badh ke koi cheez na ho
رنج کو ان کے سمجھے مایۂ غم
واں اگر سوگ ہو تو یاں ماتم
Ranj ko un ke samjhe maya-e-gham
Waan agar sog ho to yaan matam
بھول جائے سب اپنی قدر جلیل
دیکھ کر بھائیوں کو خوار و ذلیل
Bhool jaye sab apni qadr-e-jalil
Dekh kar bhaiyon ko khwar o zalil
جب پڑے ان پہ گردش افلاک
اپنی آسائشوں پہ ڈال دے خاک
Jab pade un pe gardish-e-aflak
Apni aasaishon pe daal de khak
بیٹھے بے فکر کیا ہو ہم وطنو
اٹھو اہل وطن کے دوست بنو
Baithe be-fikr kya ho ham-watano
Utho ahl-e-watan ke dost bano
مرد ہو تم کسی کے کام آؤ
ورنہ کھاؤ پیو چلے جاؤ
Mard ho tum kisi ke kaam aao
Warna khao piyo chale jao
جب کوئی زندگی کا لطف اٹھاؤ
دل کو دکھ بھائیوں کے یاد دلاؤ
Jab koi zindagi ka lutf uthao
Dil ko dukh bhaiyon ke yaad dilao
پہنو جب کوئی عمدہ تم پوشاک
کرو دامن سے تا گریباں چاک
Pahno jab koi umda tum poshak
Karo daman se ta gareban chaak
کھانا کھاؤ تو جی میں تم شرماؤ
ٹھنڈا پانی پیو تو اشک بہاؤ
Khana khao to ji mein tum sharmao
Thanda pani piyo to ashk bahao
کتنے بھائی تمہارے ہیں نادار
زندگی سے ہے جن کا دل بیزار
Kitne bhai tumhare hain nadar
Zindagi se hai jin ka dil bezar
نوکروں کی تمہارے جو ہے غذا
ان کو وہ خواب میں نہیں ملتا
Naukaron ki tumhare jo hai ghiza
Un ko wo khwab mein nahin milta
جس پہ تم جوتیوں سے پھرتے ہو
واں میسر نہیں وہ اوڑھنے کو
Jis pe tum jootiyon se phirte ho
Waan mayassar nahin wo odhne ko
کھاؤ تو پہلے لو خبر ان کی
جن پہ بپتا ہے نیستی کی پڑی
Khao to pahle lo khabar un ki
Jin pe bipta hai neesti ki padi
ایک ڈالی کے سب ہیں برگ و ثمر
ہے کوئی ان میں خشک اور کوئی تر
Ek dali ke sab hain barg o samar
Hai koi un mein khushk aur koi tar
سب کو ہے ایک اصل سے پیوند
کوئی آزردہ ہے کوئی خورسند
Sab ko hai ek asl se paiwand
Koi aazurda hai koi khursand
مقبلو! مدبروں کو یاد کرو
خوش دلو غم زدوں کو شاد کرو
Muqbilo mudbiron ko yaad karo
Khush-dilo gham-zadon ko shad karo
جاگنے والے غافلوں کو جگاؤ
تیرنے والو ڈوبتوں کو تراؤ
Jagne wale ghafilon ko jagao
Tairne walo doobton ko tarao
ہیں ملے تم کو چشم و گوش اگر
لو جو لی جائے کور و کر کی خبر
Hain mile tum ko chashm o gosh agar
Lo jo li jaye kor o kar ki khabar
تم اگر ہاتھ پاؤں رکھتے ہو
لنگڑے لولوں کو کچھ سہارا دو
Tum agar haath paon rakhte ho
Langde lulon ko kuchh sahara do
تندرستی کا شکر کیا ہے بتاؤ
رنج بیمار بھائیوں کا ہٹاؤ
Tandurusti ka shukr kya hai batao
Ranj beemar bhaiyon ka hatao
تم اگر چاہتے ہو ملک کی خیر
نہ کسی ہم وطن کو سمجھو غیر
Tum agar chahte ho mulk ki khair
Na kisi ham-watan ko samjho ghair
سب کو میٹھی نگاہ سے دیکھو
سمجھو آنکھوں کی پتلیاں سب کو
Sab ko meethi nigah se dekho
Samjho aankhon ki putliyan sab ko
ملک ہیں اتفاق سے آزاد
شہر ہیں اتفاق سے آباد
Mulk hain ittifaq se aazad
Shahr hain ittifaq se aabad
پھر گئے بھائیوں سے جب بھائی
جو نہ آنی تھی وہ بلا آئی
Phir gaye bhaiyon se jab bhai
Jo na aani thi wo bala aai
پاؤں اقبال کے اکھڑنے لگے
ملک پر سب کے ہاتھ پڑنے لگے
Paon iqbal ke ukhadne lage
Mulk par sab ke haath padne lage
قوم سے جو تمہارے برتاؤ
سوچو اے میرے پیارو اور شرماؤ
Qaum se jo tumhare bartao
Socho ai mere pyaro aur sharmao
اہل دولت کو ہے یہ استغنا
کہ نہیں بھائیوں کی کچھ پروا
Ahl-e-daulat ko hai ye istighna
Ki nahin bhaiyon ki kuchh parwa
شہر میں قحط کی دہائی ہے
جان عالم لبوں پہ آئی ہے
Shahr mein qaht ki duhai hai
Jaan-e-aalam labon pe aai hai
بچے اک گھر میں بلبلاتے ہیں
رو کے ماں باپ کو رلاتے ہیں
Bachche ik ghar mein bilbilate hain
Ro ke maan baap ko rulate hain
کوئی پھرتا ہے مانگتا در در
ہے کہیں پیٹ سے بندھا پتھر
Koi phirta hai mangta dar dar
Hai kahin pet se bandha patthar
پر جو ہیں ان میں صاحب مقدور
ان میں گنتی کے ہوں گے ایسے غیور
Par jo hain un mein sahib-e-maqdoor
Un mein ginti ke honge aise ghayoor
کہ جنہیں بھائیوں کا غم ہوگا
اپنی راحت کا دھیان کم ہوگا
Ki jinhen bhaiyon ka gham hoga
Apni rahat ka dhyan kam hoga
جتنے دیکھو گے پاؤ گے بے درد
دل کے نامرد اور نام کے مرد
Jitne dekhoge paoge be-dard
Dil ke na-mard aur naam ke mard
قوم مرتی ہے بھوک سے تو مرے
کام انہیں اپنے حلوے مانڈے سے
Qaum marti hai bhook se to mare
Kaam unhen apne halwe mande se
ان کو اب تک خبر نہیں اصلاً
شہر میں بھاؤ کیا ہے غلے کا
Un ko ab tak khabar nahin aslan
Shahr mein bhao kya hai ghalle ka
غلہ ارزاں ہے ان دنوں کہ گراں
کال ہے شہر میں پڑا کہ سماں
Ghalla arzan hai in dinon ki giran
Kaal hai shahr mein pada ki saman
کال کیا شے ہے کس کو کہتے ہیں بھوک
بھوک میں کیونکہ مرتے ہیں مفلوک
Kaal kya shai hai kis ko kahte hain bhook
Bhook mein kyunki marte hain mafluk
سیر بھوکے کی قدر کیا سمجھے
اس کے نزدیک سب ہیں پیٹ بھرے
Ser bhooke ki qadr kya samjhe
Us ke nazdeek sab hain pet bhare
اہل دولت کا سن چکے تم حال
اب سنو روئیداد اہل کمال
Ahl-e-daulat ka sun chuke tum haal
Ab suno roedad-e-ahl-e-kamal
فاضلوں کو ہے فاضلوں سے عناد
پنڈتوں میں پڑے ہوئے ہیں فساد
Fazilon ko hai fazilon se inad
Panditon mein pade hue hain fasad
ہے طبیبوں میں نوک جھوک سدا
ایک سے ایک کا ہے تھوک جدا
Hai tabibon mein nok-jhok sada
Ek se ek ka hai thook juda
رہنے دو اہل علم ہیں اس طرح
پہلوانوں میں لاگ ہو جس طرح
Rahne do ahl-e-ilm hain is tarah
Pahlawanon mein laag ho jis tarah
شاعروں میں بھی ہے یہی تکرار
خوشنویسوں کو ہے یہی آزار
Shairon mein bhi hai yahi takrar
Khush-naveson ko hai yahi aazar
لاکھ نیکوں کا کیوں نہ ہو اک نیک
دیکھ سکتا نہیں ہے ایک کو ایک
Lakh nekon ka kyun na ho ik nek
Dekh sakta nahin hai ek ko ek
اس پہ طرہ یہ ہے کہ اہل ہنر
دور سمجھے ہوئے ہیں اپنا گھر
Is pe turra ye hai ki ahl-e-hunar
Door samjhe hue hain apna ghar
ملی اک گانٹھ جس کو ہلدی کی
اس نے سمجھا کہ میں ہوں پنساری
Mili ik ganth jis ko haldi ki
Us ne samjha ki main hun pansari
نسخہ اک طب کا جس کو آتا ہے
سگے بھائی سے وہ چھپاتا ہے
Nuskha ik tibb ka jis ko aata hai
Sage bhai se wo chhupata hai
جس کو آتا ہے پھونکنا کشتہ
ہے ہماری طرف سے وہ گونگا
Jis ko aata hai phoonkna kushta
Hai hamari taraf se wo goonga
جس کو ہے کچھ رمل میں معلومات
وہ نہیں کرتا سیدھے منہ سے بات
Jis ko hai kuchh raml mein maloomat
Wo nahin karta seedhe munh se baat
باپ بھائی ہو یا کہ ہو بیٹا
بھید پاتا نہیں منجم کا
Baap bhai ho ya ki ho beta
Bhed pata nahin munajjim ka
کام کندلے کا جس کو ہے معلوم
ہے زمانہ میں اس کی بخل کی دھوم
Kaam kundle ka jis ko hai maloom
Hai zamane mein us ki bukhl ki dhoom
الغرض جس کے پاس ہے کچھ چیز
جان سے بھی سوا ہے اس کو عزیز
Al-gharaz jis ke paas hai kuchh cheez
Jaan se bhi siwa hai us ko aziz
قوم پر ان کا کچھ نہیں احساں
ان کا ہونا نہ ہونا ہے یکساں
Qaum par un ka kuchh nahin ehsan
Un ka hona na hona hai yaksan
سب کمالات اور ہنر ان کے
قبر میں ان کے ساتھ جائیں گے
Sab kamalat aur hunar un ke
Qabr mein un ke saath jaenge
قوم کیا کہہ کے ان کو روئے گی
نام پر کیوں کہ جان کھوئے گی
Qaum kya kah ke un ko roegi
Naam par kyun ki jaan khoegi
تربیت یافتہ ہیں جو یاں کے
خواہ بی اے ہوں اس میں یا ایم اے
Tarbiyat-yafta hain jo yaan ke
Khwah BA hon is mein ya MA
بھرتے حب وطن کا گو دم ہیں
پر محب وطن بہت کم ہیں
Bharte hubb-e-watan ka go dam hain
Par muhibb-e-watan bahut kam hain
قوم کو ان سے جو امیدیں تھیں
اب جو دیکھا تو سب غلط نکلیں
Qaum ko un se jo ummeeden thin
Ab jo dekha to sab ghalat niklin
ہسٹری ان کی اور جیوگرفی
سات پردے میں منہ دیے ہے پڑی
History un ki aur geography
Saat parde mein munh diye hai padi
بند اس قفل میں ہے علم ان کا
جس کی کنجی کا کچھ نہیں ہے پتا
Band is qufl mein hai ilm un ka
Jis ki kunji ka kuchh nahin hai pata
لیتے ہیں اپنے دل ہی دل میں مزے
گویا گونگے کا گڑ ہیں کھائے ہوئے
Lete hain apne dil hi dil mein maze
Goya goonge ka gud hain khaye hue
کرتے پھرتے ہیں سیر گل تنہا
کوئی پاس ان کے جا نہیں سکتا
Karte phirte hain sair-e-gul tanha
Koi paas un ke ja nahin sakta
اہل انصاف شرم کی جا ہے
گر نہیں بخل یہ تو پھر کیا ہے
Ahl-e-insaf sharm ki ja hai
Gar nahin bukhl ye to phir kya hai
تم نے دیکھا ہے جو وہ سب کو دکھاؤ
تم نے چکھا ہے جو وہ سب کو چکھاؤ
Tum ne dekha hai jo wo sab ko dikhao
Tum ne chakkha hai jo wo sab ko chakhao
یہ جو دولت تمہارے پاس ہے آج
ہم وطن اس کے ہیں بہت محتاج
Ye jo daulat tumhare paas hai aaj
Ham-watan is ke hain bahut mohtaj
منہ کو ایک اک تمہارے ہے تکتا
کہ نکلتا ہے منہ سے آپ کے کیا
Munh ko ek ik tumhare hai takta
Ki nikalta hai munh se aap ke kya
آپ شائستہ ہیں تو اپنے لیے
کچھ سلوک اپنی قوم سے بھی کیے
Aap shaista hain to apne liye
Kuchh suluk apni qaum se bhi kiye
منڈا جوتا گر آپ کو ہے پسند
قوم کو اس سے فائدہ نہ گزند
Munda joota gar aap ko hai pasand
Qaum ko is se faida na gazand
قوم پر کرتے ہو اگر احساں
تو دکھاؤ کچھ اپنا جوش نہاں
Qaum par karte ho agar ehsan
To dikhao kuchh apna josh-e-nihan
کچھ دنوں عیش میں خلل ڈالو
پیٹ میں جو ہے سب اگل ڈالو
Kuchh dinon aish mein khalal dalo
Pet mein jo hai sab ugal dalo
علم کو کر دو کو بہ کو ارزاں
ہند کو کر دکھاؤ انگلستاں
Ilm ko kar do ku-ba-ku arzan
Hind ko kar dikhao Inglistan
سنتے ہو سامعین با تمکیں
سنتے ہو حاضرین صدر نشیں
Sunte ho samiin-e-ba-tamkin
Sunte ho hazirin-e-sadr-nashin
جو ہیں دنیا میں قوم کے ہمدرد
بندۂ قوم ان کے ہیں زن و مرد
Jo hain duniya mein qaum ke hamdard
Banda-e-qaum un ke hain zan o mard
بھائی آپس میں کرتے ہیں پیماں
تو اگر مال دے تو میں دوں جاں
Bhai aapas mein karte hain paiman
Tu agar maal de to main dun jaan
اہل ہمت کما کے لاتے ہیں
ہم وطن فائدے اٹھاتے ہیں
Ahl-e-himmat kama ke laate hain
Ham-watan faide uthate hain
کہیں ہوتے ہیں مدرسے جاری
دخل اور خرج جن کے ہیں بھاری
Kahin hote hain madrase jari
Dakhl aur kharch jin ke hain bhari
اور کہیں ہوتے ہیں کلب قائم
مبحث حکمت اور ادب قائم
Aur kahin hote hain club qaim
Mabhas-e-hikmat aur adab qaim
نت نئے کھلتے ہیں دوا خانے
بنتے ہیں سیکڑوں شفا خانے
Nit naye khulte hain dawa-khane
Bante hain saikdon shifa-khane
ملک میں جو مرض ہیں عالم گیر
قوم پر ان کی فرض ہے تدبیر
Mulk mein jo maraz hain aalamgir
Qaum par un ki farz hai tadbir
ہیں سدا اس ادھیڑ بن میں طبیب
کہ کوئی نسخہ ہاتھ آئے عجیب
Hain sada is udhed-bun mein tabib
Ki koi nuskha haath aaye ajib
قوم کو پہنچے منفعت جس سے
ملک میں پھیلیں فائدے جس کے
Qaum ko pahunche manfa'at jis se
Mulk mein phailen faide jis ke
کھپ گئے کتنے بن کے جھاڑوں میں
مر گئے سیکڑوں پہاڑوں میں
Khap gaye kitne ban ke jhadon mein
Mar gaye saikdon pahadon mein
لکھے جب تک جیے سفر نامے
چل دیے ہاتھ میں قلم تھامے
Likhe jab tak jiye safar-name
Chal diye haath mein qalam thame
گو سفر میں اٹھائے رنج کمال
کر دیا پر وطن کو اپنے نہال
Go safar mein uthaye ranj kamal
Kar diya par watan ko apne nihal
ہیں اب ان کے گواہ حب وطن
در و دیوار پیرس و لندن
Hain ab un ke gawah hubb-e-watan
Dar o deewar Paris o London
کام ہیں سب بشر کے ہم وطنوں
تم سے بھی ہو سکے تو مرد بنو
Kaam hain sab bashar ke ham-watano
Tum se bhi ho sake to mard bano
چھوڑو افسردگی کو جوش میں آؤ
بس بہت سوئے اٹھو ہوش میں آؤ
Chhodo afsurdagi ko josh mein aao
Bas bahut soye utho hosh mein aao
قافلے تم سے بڑھ گئے کوسوں
رہے جاتے ہو سب سے پیچھے کیوں
Qafile tum se badh gaye koson
Rahe jate ho sab se peechhe kyun
قافلوں سے اگر ملا چاہو
ملک اور قوم کا بھلا چاہو
Qafilon se agar mila chaho
Mulk aur qaum ka bhala chaho
گر رہا چاہتے ہو عزت سے
بھائیوں کو نکالو ذلت سے
Gar raha chahte ho izzat se
Bhaiyon ko nikalo zillat se
ان کی عزت تمہاری عزت ہے
ان کی ذلت تمہاری ذلت ہے
Un ki izzat tumhari izzat hai
Un ki zillat tumhari zillat hai
عزت قوم چاہتے ہو اگر
جا کے پھیلاؤ ان میں علم و ہنر
Izzat-e-qaum chahte ho agar
Ja ke phailao un mein ilm o hunar
ذات کا فخر اور نسب کا غرور
اٹھ گئے اب جہاں سے یہ دستور
Zaat ka fakhr aur nasab ka ghurur
Uth gaye ab jahan se ye dastoor
ہوئی ترکی تمام خانوں میں
کٹ گئی جڑ سے خاندانوں میں
Hui turki tamam khanon mein
Kat gayi jad se khandanon mein
قوم کی عزت اب ہنر سے ہے
علم سے یا کہ سیم و زر سے ہے
Qaum ki izzat ab hunar se hai
Ilm se ya ki seem o zar se hai
کوئی دن میں وہ دور آئے گا
بے ہنر بھیک تک نہ پائے گا
Koi din mein wo daur aayega
Be-hunar bheek tak na payega
نہ رہیں گے سدا یہی دن رات
یاد رکھنا ہماری آج کی بات
Na rahenge sada yahi din raat
Yaad rakhna hamari aaj ki baat
گر نہیں سنتے قول حالیؔ کا
پھر نہ کہنا کہ کوئی کہتا تھا
Gar nahin sunte qaul Hali ka
Phir na kahna ki koi kahta tha
