جھٹپٹے کے وقت گھر سے ایک مٹی کا دیا
ایک بڑھیا نے سر رہ لا کے روشن کر دیا
Jhutpute ke waqt ghar se ek mitti ka diya
Ek burhiya ne sar-e-rah la ke raushan kar diya
تاکہ رہگیر اور پردیسی کہیں ٹھوکر نہ کھائیں
راہ سے آساں گزر جائے ہر ایک چھوٹا بڑا
Taake rahgir aur pardesi kahin thokar na khayen
Rah se aasan guzar jaye har ek chhota bara
یہ دیا بہتر ہے ان جھاڑوں سے اور اس لیمپ سے
روشنی محلوں کے اندر ہی رہی جن کی سدا
Ye diya behtar hai un jharon se aur us lamp se
Raushni mehlon ke andar hi rahi jin ki sada
گر نکل کر اک ذرا محلوں سے باہر دیکھیے
ہے اندھیرا گھپ در و دیوار پر چھایا ہوا
Gar nikal kar ik zara mehlon se bahar dekhiye
Hai andhera ghup dar o diwar par chhaya hua
سرخ رو آفاق میں وہ رہنما مینار ہیں
روشنی سے جن کی ملاحوں کے بیڑے پار ہیں
Surkh-ru aafaq mein wo rehnuma minar hain
Raushni se jin ki mallahon ke bere paar hain
ہم نے ان عالی بناؤں سے کیا اکثر سوال
آشکارا جن سے ان کے بانیوں کا ہے جلال
Hum ne un aali binaon se kiya aksar sawal
Aashkara jin se un ke baniyon ka hai jalal
شان و شوکت کی تمہاری دھوم ہے آفاق میں
دور سے آ آ کے تم کو دیکھتے ہیں با کمال
Shan o shaukat ki tumhari dhoom hai aafaq mein
Door se aa aa ke tum ko dekhte hain ba-kamal
قوم کو اس شان و شوکت سے تمہاری کیا ملا
دو جواب اس کا اگر رکھتی ہو یارائے مقال
Qaum ko is shan o shaukat se tumhari kya mila
Do jawab is ka agar rakhti ho yara-e-maqal
سرنگوں ہو کر وہ سب بولیں زبان حال سے
ہو سکا ہم سے نہ کچھ الانفعال الانفعال
Sar-nigun ho kar wo sab bolin zaban-e-haal se
Ho saka hum se na kuchh, al-infial al-infial
بانیوں نے تھا بنایا اس لیے گویا ہمیں
ہم کو جب دیکھیں خلف اسلاف کو رویا کریں
Baniyon ne tha banaya is liye goya hamein
Hum ko jab dekhen khalaf aslaf ko roya karen
شوق سے اس نے بنایا مقبرہ اک شاندار
اور چھوڑا اس نے اک ایوان عالی یادگار
Shauq se us ne banaya maqbara ik shandar
Aur chhora us ne ik aiwan-e-aali yadgar
ایک نے دنیا کے پودے باغ میں اپنے لگائے
ایک نے چھوڑے دفینے سیم و زر کے بے شمار
Ek ne duniya ke paude bagh mein apne lagaye
Ek ne chhore dafine sim o zar ke be-shumar
اک محب قوم نے اپنے مبارک ہاتھ سے
قوم کی تعلیم کی بنیاد ڈالی استوار
Ik muhib-e-qaum ne apne mubarak hath se
Qaum ki taleem ki buniyad dali ustuwar
ہوگی عالم میں کہو سرسبز یہ پچھلی مراد
یا وہ اگلوں کی امیدیں لائیں گی کچھ برگ و بار
Hogi aalam mein kaho sarsabz ye pichhli murad
Ya wo aglon ki umeeden layengi kuchh barg o bar
چشمۂ سر جیوں ہے جو بہتا رہے گا یاں وہی
سب اتر جائیں گی چڑھ چڑھ ندیاں برسات کی
Chashma-e-sar-jiyun hai jo behta rahega yan wahi
Sab utar jayengi charh charh nadiyan barsat ki
