اس کے جاتے ہی یہ کیا ہو گئی گھر کی صورت
نہ وہ دیوار کی صورت ہے نہ در کی صورت
us ke jaate hi ye kya ho gai ghar ki surat
na vo divar ki surat hai na dar ki surat
کس سے پیمان وفا باندھ رہی ہے بلبل
کل نہ پہچان سکے گی گل تر کی صورت
kis se paiman-e-vafa bandh rahi hai bulbul
kal na pahchan sakegi gul-e-tar ki surat
ہے غم روز جدائی نہ نشاط شب وصل
ہو گئی اور ہی کچھ شام و سحر کی صورت
hai gham-e-roz-e-judai na nashat-e-shab-e-vasl
ho gai aur hi kuchh sham-o-sahar ki surat
میں بچا تیر حوادث سے نشانہ بن کر
آڑے آئی مری تسلیم سپر کی صورت
main bacha tir-e-havadis se nishana ban kar
aade aai miri taslim sipar ki surat
شوق میں اس کے مزا درد میں اس کے لذت
ناصحو اس سے نہیں کوئی مفر کی صورت
shauq mein us ke maza dard mein us ke lazzat
naseho is se nahin koi mafar ki surat
حملہ اپنے پہ بھی اک بعد ہزیمت ہے ضرور
رہ گئی ہے یہی اک فتح و ظفر کی صورت
hamla apne pe bhi ik baad-e-hazimat hai zarur
rah gai hai yahi ik fath-o-zafar ki surat
رہنماؤں کے ہوئے جاتے ہیں اوسان خطا
راہ میں کچھ نظر آتی ہے خطر کی صورت
rahnumaon ke hue jaate hain ausan khata
raah mein kuchh nazar aati hai khatar ki surat
یوں تو آیا ہے تباہی میں یہ بیڑا سو بار
پر ڈراتی ہے بہت آج بھنور کی صورت
yun to aaya hai tabahi mein ye beda sau baar
par darati hai bahut aaj bhanvar ki surat
ان کو حالیؔ بھی بلاتے ہیں گھر اپنے مہماں
دیکھنا آپ کی اور آپ کے گھر کی صورت
un ko Hali bhi bulate hain ghar apne mehman
dekhna aap ki aur aap ke ghar ki surat
