دل سے خیال دوست بھلایا نہ جائے گا
سینے میں داغ ہے کہ مٹایا نہ جائے گا
Dil se khayal-e-dost bhulaya na jayega
Seene mein daagh hai ki mitaya na jayega
تم کو ہزار شرم سہی مجھ کو لاکھ ضبط
الفت وہ راز ہے کہ چھپایا نہ جائے گا
Tum ko hazar sharm sahi mujh ko lakh zabt
Ulfat wo raaz hai ki chhupaya na jayega
اے دل رضائے غیر ہے شرط رضائے دوست
زنہار بار عشق اٹھایا نہ جائے گا
Ai dil raza-e-ghair hai shart-e-raza-e-dost
Zinhaar bar-e-ishq uthaya na jayega
دیکھی ہیں ایسی ان کی بہت مہربانیاں
اب ہم سے منہ میں موت کے جایا نہ جائے گا
Dekhi hain aisi un ki bahut mehrbaniyan
Ab hum se munh mein maut ke jaya na jayega
مے تند و ظرف حوصلۂ اہل بزم تنگ
ساقی سے جام بھر کے پلایا نہ جائے گا
Mai tund o zarf-e-hausla-e-ahl-e-bazm tang
Saqi se jaam bhar ke pilaya na jayega
راضی ہیں ہم کہ دوست سے ہو دشمنی مگر
دشمن کو ہم سے دوست بنایا نہ جائے گا
Razi hain hum ki dost se ho dushmani magar
Dushman ko hum se dost banaya na jayega
کیوں چھیڑتے ہو ذکر نہ ملنے کا رات کے
پوچھیں گے ہم سبب تو بتایا نہ جائے گا
Kyun chhedte ho zikr na milne ka raat ke
Poochhenge hum sabab to bataya na jayega
بگڑیں نہ بات بات پہ کیوں جانتے ہیں وہ
ہم وہ نہیں کہ ہم کو منایا نہ جائے گا
Bigdein na baat baat pe kyun jaante hain wo
Hum wo nahin ki hum ko manaya na jayega
ملنا ہے آپ سے تو نہیں حصر غیر پر
کس کس سے اختلاط بڑھایا نہ جائے گا
Milna hai aap se to nahin hasr ghair par
Kis kis se ikhtilat badhaya na jayega
مقصود اپنا کچھ نہ کھلا لیکن اس قدر
یعنی وہ ڈھونڈتے ہیں جو پایا نہ جائے گا
Maqsood apna kuchh na khula lekin is qadar
Yaani wo dhoondte hain jo paya na jayega
