دھوم تھی اپنی پارسائی کی
کی بھی اور کس سے آشنائی کی
Dhoom thi apni parsai ki
Ki bhi aur kis se aashnai ki
کیوں بڑھاتے ہو اختلاط بہت
ہم کو طاقت نہیں جدائی کی
Kyun badhate ho ikhtilat bahut
Hum ko taqat nahin judai ki
منہ کہاں تک چھپاؤ گے ہم سے
تم کو عادت ہے خود نمائی کی
Munh kahan tak chhupaoge hum se
Tum ko aadat hai khud-numai ki
لاگ میں ہیں لگاؤ کی باتیں
صلح میں چھیڑ ہے لڑائی کی
Laag mein hain lagao ki baaten
Sulh mein chhed hai ladai ki
ملتے غیروں سے ہو ملو لیکن
ہم سے باتیں کرو صفائی کی
Milte ghairon se ho milo lekin
Hum se baaten karo safai ki
دل رہا پائے بند الفت دام
تھی عبث آرزو رہائی کی
Dil raha pa-e-band-e-ulfat-e-daam
Thi abas aarzu rihai ki
دل بھی پہلو میں ہو تو یاں کس سے
رکھئے امید دل ربائی کی
Dil bhi pahlu mein ho to yaan kis se
Rakhiye ummeed dil-rubai ki
شہر و دریا سے باغ و صحرا سے
بو نہیں آتی آشنائی کی
Shahr o darya se bagh o sahra se
Bu nahin aati aashnai ki
موت کی طرح جس سے ڈرتے تھے
ساعت آ پہنچی اس جدائی کی
Maut ki tarah jis se darte the
Saat aa pahunchi us judai ki
زندہ پھرنے کی ہے ہوس حالیؔ
انتہا ہے یہ بے حیائی کی
Zinda phirne ki hai hawas Hali
Intiha hai ye be-hayai ki
