ظاہر کی آنکھ سے نہ تماشا کرے کوئی
ہو دیکھنا تو دیدۂ دل وا کرے کوئی
zahir ki aankh se na tamasha kare koi
ho dekhna to dida-e-dil va kare koi
منصور کو ہوا لب گویا پیام موت
اب کیا کسی کے عشق کا دعویٰ کرے کوئی
Mansur ko hua lab-e-goya payam-e-maut
ab kya kisi ke ishq ka dava kare koi
ہو دید کا جو شوق تو آنکھوں کو بند کر
ہے دیکھنا یہی کہ نہ دیکھا کرے کوئی
ho did ka jo shauq to aankhon ko band kar
hai dekhna yahi ki na dekha kare koi
میں انتہائے عشق ہوں تو انتہائے حسن
دیکھے مجھے کہ تجھ کو تماشا کرے کوئی
main intiha-e-ishq hun, tu intiha-e-husn
dekhe mujhe ki tujh ko tamasha kare koi
عذر آفرین جرم محبت ہے حسن دوست
محشر میں عذر تازہ نہ پیدا کرے کوئی
uzr-afrin-e-jurm-e-mohabbat hai husn-e-dost
mahshar mein uzr-e-taza na paida kare koi
چھپتی نہیں ہے یہ نگہ شوق ہم نشیں
پھر اور کس طرح انہیں دیکھا کرے کوئی
chhupti nahin hai ye nigah-e-shauq ham-nashin
phir aur kis tarah unhen dekha kare koi
اڑ بیٹھے کیا سمجھ کے بھلا طور پر کلیم
طاقت ہو دید کی تو تقاضا کرے کوئی
ad baithe kya samajh ke bhala Tur par Kalim
taqat ho did ki to taqaza kare koi
نظارے کو یہ جنبش مژگاں بھی بار ہے
نرگس کی آنکھ سے تجھے دیکھا کرے کوئی
nazzare ko ye jumbish-e-mizhgan bhi bar hai
nargis ki aankh se tujhe dekha kare koi
کھل جائیں کیا مزے ہیں تمنائے شوق میں
دو چار دن جو میری تمنا کرے کوئی
khul jaen kya maze hain tamanna-e-shauq mein
do char din jo meri tamanna kare koi
