یہ پیام دے گئی ہے مجھے باد صبح گاہی
کہ خودی کے عارفوں کا ہے مقام پادشاہی
ye payam de gai hai mujhe bad-e-subh-gahi
ki khudi ke arifon ka hai maqam padshahi
تری زندگی اسی سے تری آبرو اسی سے
جو رہی خودی تو شاہی نہ رہی تو رو سیاہی
tiri zindagi isi se tiri aabru isi se
jo rahi khudi to shahi na rahi to ru-siyahi
نہ دیا نشان منزل مجھے اے حکیم تو نے
مجھے کیا گلہ ہو تجھ سے تو نہ رہ نشیں نہ راہی
na diya nishan-e-manzil mujhe ai hakim tu ne
mujhe kya gila ho tujh se tu na rah-nashin na rahi
مرے حلقۂ سخن میں ابھی زیر تربیت ہیں
وہ گدا کہ جانتے ہیں رہ و رسم کج کلاہی
mire halqa-e-sukhan men abhi zer-e-tarbiyat hain
vo gada ki jante hain rah-o-rasm-e-kaj-kulahi
یہ معاملے ہیں نازک جو تری رضا ہو تو کر
کہ مجھے تو خوش نہ آیا یہ طریق خانقاہی
ye muamale hain nazuk jo tiri raza ho tu kar
ki mujhe to khush na aaya ye tariq-e-khanqahi
تو ہما کا ہے شکاری ابھی ابتدا ہے تیری
نہیں مصلحت سے خالی یہ جہان مرغ و ماہی
tu huma ka hai shikari abhi ibtida hai teri
nahin maslahat se khali ye jahan-e-murgh-o-mahi
تو عرب ہو یا عجم ہو ترا لا الٰہ الا
لغت غریب جب تک ترا دل نہ دے گواہی
tu arab ho ya ajam ho tira la ilaha illa
lughat-e-gharib jab tak tira dil na de gavahi
