جستجو جس گل کی تڑپاتی تھی اے بلبل مجھے
خوبیِ قسمت سے آخر مل گیا وہ گل مجھے
Justuju jis gul ki tadpati thi ae bulbul mujhe
Khubi-e-qismat se aakhir mil gaya woh gul mujhe
خود تڑپتا تھا، چمن والوں کو تڑپاتا تھا میں
تجھ کو جب رنگیں نوا پاتا تھا، شرماتا تھا میں
Khud tadapta tha, chaman walon ko tadpata tha main
Tujh ko jab rangin-nawa pata tha, sharmata tha main
میرے پہلو میں دلِ مضطر نہ تھا، سیماب تھا
ارتکابِ جرمِ الفت کے لیے بے تاب تھا
Mere pahlu mein dil-e-muztar na tha, simab tha
Irtikab-e-jurm-e-ulfat ke liye betab tha
نامرادی محفلِ گل میں مری مشہور تھی
صبح میری آئنہ دارِ شبِ دیجور تھی
Na-muradi mehfil-e-gul mein meri mashhur thi
Subh meri aaina-dar-e-shab-e-dejur thi
از نفس در سینۂ خوں گشتہ نشتر داشتم
زیرِ خاموشی نہاں غوغائے محشر داشتم
Az nafas dar sina-e-khun-gashta nishtar dashtam
Zer-e-khamoshi nihan ghogha-e-mahshar dashtam
اب تاثر کے جہاں میں وہ پریشانی نہیں
اہلِ گلشن پر گراں میری غزل خوانی نہیں
Ab tasur ke jahan mein woh pareshani nahin
Ahl-e-gulshan par giran meri ghazal-khwani nahin
عشق کی گرمی سے شعلے بن گئے چھالے مرے
کھیلتے ہیں بجلیوں کے ساتھ اب نالے مرے
Ishq ki garmi se shole ban gaye chhale mere
Khelte hain bijliyon ke sath ab nale mere
غازۂ الفت سے یہ خاکِ سیہ آئینہ ہے
اور آئینے میں عکسِ ہمدمِ دیرینہ ہے
Ghaza-e-ulfat se ye khak-e-siyah aaina hai
Aur aaine mein aks-e-hamdam-e-derina hai
قید میں آیا تو حاصل مجھ کو آزادی ہوئی
دل کے لٹ جانے سے میرے گھر کی آبادی ہوئی
Qaid mein aaya to hasil mujh ko azadi hui
Dil ke lut jane se mere ghar ki abadi hui
ضو سے اس خورشید کی اختر مرا تابندہ ہے
چاندنی جس کے غبارِ راہ سے شرمندہ ہے
Zau se is khurshid ki akhtar mera tabinda hai
Chandni jis ke ghubar-e-rah se sharminda hai
یک نظر کردی و آدابِ فنا آموختی
اے خنک روزے کہ خاشاکِ مرا واسوختی
Yak nazar kardi o aadab-e-fana aamokhti
Ae khunuk roze ke khashak-e-mara wa-sokhti
