وہی میری کم نصیبی وہی تیری بے نیازی
مرے کام کچھ نہ آیا یہ کمال نے نوازی
vahi meri kam-nasibi, vahi teri be-niyazi
mire kaam kuchh na aaya ye kamal-e-nai-navazi
میں کہاں ہوں تو کہاں ہے یہ مکاں کہ لا مکاں ہے
یہ جہاں مرا جہاں ہے کہ تری کرشمہ سازی
main kahan hun tu kahan hai, ye makan ki la-makan hai?
ye jahan mira jahan hai ki tiri karishma-sazi
اسی کشمکش میں گزریں مری زندگی کی راتیں
کبھی سوز و ساز رومیؔ کبھی پیچ و تاب رازیؔ
isi kashmakash mein guzrin miri zindagi ki raten
kabhi soz-o-saz-e-Rumi, kabhi pech-o-tab-e-Razi
وہ فریب خوردہ شاہیں کہ پلا ہو کرگسوں میں
اسے کیا خبر کہ کیا ہے رہ و رسم شاہبازی
vo fareb-khurda shahin ki pala ho kargason mein
use kya khabar ki kya hai rah-o-rasm-e-shahbazi
نہ زباں کوئی غزل کی نہ زباں سے باخبر میں
کوئی دل کشا صدا ہو عجمی ہو یا کہ تازی
na zaban koi ghazal ki, na zaban se ba-khabar main
koi dil-kusha sada ho, Ajami ho ya ki Tazi
نہیں فقر و سلطنت میں کوئی امتیاز ایسا
یہ سپہ کی تیغ بازی وہ نگہ کی تیغ بازی
nahin faqr-o-saltanat mein koi imtiyaz aisa
ye sipah ki tegh-bazi, vo nigah ki tegh-bazi
کوئی کارواں سے ٹوٹا کوئی بد گماں حرم سے
کہ امیر کارواں میں نہیں خوئے دل نوازی
koi karvan se tuta, koi bad-guman haram se
ki amir-e-karvan mein nahin khu-e-dil-navazi
