محل ایسا کِیا تعمیر عُرفیؔ کے تخیّل نے
تَصدّق جس پہ حیرت خانۂ سیناؔ و فارابیؔ
Mahal aisa kiya ta’mīr Urfī ke takhayyul ne
Tasadduq jis pe hairat-khāna-e-Sīna o Fārābī
فضائے عشق پر تحریر کی اُس نے نوا ایسی
میّسر جس سے ہیں آنکھوں کو اب تک اشکِ عُنّابی
Fazā-e-ishq par tahrīr ki us ne nava aisi
Muyassar jis se haiñ āñkhoñ ko ab tak ashk-e-unnābī
مرے دل نے یہ اک دن اُس کی تُربت سے شکایت کی
نہیں ہنگامۂ عالم میں اب سامانِ بیتابی
Mire dil ne ye ik din us ki turbat se shikāyat ki
Nahīñ hangāma-e-ālam meñ ab sāmān-e-betābī
مزاجِ اہلِ عالم میں تغیّر آگیا ایسا
کہ رخصت ہوگئی دنیا سے کیفیّت وہ سیمابی
Mizāj-e-ahl-e-ālam meñ taghayyur ā gaya aisa
Ki rukhsat ho gai duniya se kaifiyat woh sīmābī
فغانِ نیم شب شاعر کی بارِ گوش ہوتی ہے
نہ ہو جب چشمِ محفل آشنائے لُطفِ بے خوابی
Fughān-e-nīm-shab shāir ki bār-e-gosh hoti hai
Na ho jab chashm-e-mahfil āshnā-e-lutf-e-be-khwābī
کسی کا شُعلۂ فریاد ہو ظُلمت رُبا کیونکر
گراں ہے شب پرستوں پر سحَر کی آسماں تابی
Kisi ka shola-e-faryād ho zulmat-ruba kyuñ-kar
Girāñ hai shab-paraston par sahar ki āsmāñ-tābī
صدا تُربت سے آئی ”شکوۂ اہلِ جہاں کم گو
نوارا تلخ تر می زن چو ذوقِ نغمہ کم یابی
حُدی را تیز تر می خواں چو محمل را گراں بینی“
Sada turbat se āī "Shikva-e-ahl-e-jahāñ kam-go
Navā rā talkh-tar mī zan cho zauq-e-naghma kam-yābī
Hudī rā tez-tar mī khwāñ cho mahmil rā girāñ bīnī"
