اے ہمایوں! زندگی تیری سراپا سوز تھی
تیری چنگاری چراغِ انجمن افروز تھی
Ai Humāyūñ! zindagi teri sarāpa soz thi
Teri chingāri chirāgh-e-anjuman-afroz thi
گرچہ تھا تیرا تنِ خاکی نزار و دردمند
تھی ستارے کی طرح روشن تری طبعِ بلند
Garche tha tera tan-e-khākī nazār o dard-mand
Thi sitāre ki tarah raushan tiri tab’-e-buland
کس قدر بے باک دل اس ناتواں پیکر میں تھا
شعلۂ گردُوں نَورد اک مُشتِ خاکستر میں تھا
Kis qadar be-bāk dil is nātavāñ paikar meñ tha
Shola-e-gardūñ-navard ik musht-e-khākistar meñ tha
موت کی لیکن دلِ دانا کو کچھ پروا نہیں
شب کی خاموشی میں جُز ہنگامۂ فردا نہیں
Maut ki lekin dil-e-dāna ko kuchh parva nahīñ
Shab ki khāmoshi meñ juz hangāma-e-farda nahīñ
موت کو سمجھے ہیں غافل اختتامِ زندگی
ہے یہ شامِ زندگی، صبحِ دوامِ زندگی
Maut ko samjhe haiñ ghāfil ikhtitām-e-zindagi
Hai ye shām-e-zindagi, subh-e-davām-e-zindagi
