تمیزِ حاکم و محکوم مِٹ نہیں سکتی
مجال کیا کہ گداگر ہو شاہ کا ہمدوش
Tamiz-e-hakim-o-mahkum mit nahin sakti
Majal kya ki gadagar ho shah ka hamdosh
جہاں میں خواجہ پرستی ہے بندگی کا کمال
رضائے خواجہ طلب کُن قباے رنگیں پوش
Jahan mein khwaja-parasti hai bandagi ka kamal
Raza-e-khwaja talab kun qaba-e-rangin posh
مگر غرض جو حصولِ رضائے حاکم ہو
خطاب مِلتا ہے منصب پرست و قوم فروش
Magar gharaz jo husul-e-raza-e-hakim ho
Khitab milta hai mansab-parast-o-qaum-farosh
پُرانے طرزِ عمل میں ہزار مشکل ہے
نئے اصول سے خالی ہے فکر کی آغوش
Purane tarz-e-amal mein hazar mushkil hai
Naye usul se khali hai fikr ki aaghosh
مزا تو یہ ہے کہ یوں زیرِ آسماں رہیے
“ہزار گُونہ سخن در دہان و لب خاموش”
Maza to ye hai ki yun zer-e-aasman rahiye
Hazar guna sukhan dar dahan-o-lab khamosh
یہی اصول ہے سرمایۂ سکُونِ حیات
“گداے گوشہ نشینی تو حافظؔ مخروش”
Yahi usul hai sarmaya-e-sukun-e-hayat
Gada-e-gosha-nashini tu Hafiza makhrosh
مگر خروش پہ مائل ہے تُو تو بسم اللہ
“بگیر بادۂ صافی، ببانگِ چنگ بنوش”
Magar kharosh pe mail hai tu to Bismillah
Bagir bada-e-safi, babang-e-chang banosh
شریکِ بزمِ امیر و وزیر و سُلطاں ہو
لڑا کے توڑ دے سنگِ ہوَس سے شیشۂ ہوش
Sharik-e-bazm-e-amir-o-wazir-o-sultan ho
Lada ke tod de sang-e-hawas se shisha-e-hosh
پیامِ مُرشدِ شِیراز بھی مگر سُن لے
کہ ہے یہ سِرِّ نہاں خانۂ ضمیرِ سروش
Payam-e-murshid-e-Shiraz bhi magar sun le
Ki hai ye sirr-e-nihan-khana-e-zamir-e-sarosh
“محلِّ نورِ تجلّی ست راے انور شاہ
چو قُربِ او طلَبی درصفاے نیّت کوش”
Mahall-e-nur-e-tajalli st ra-e-anwar-e-shah
Cho qurb-e-u talabi dar safa-e-niyyat kosh
