وہ مستِ ناز جو گُلشن میں جا نکلتی ہے
کلی کلی کی زباں سے دُعا نکلتی ہے
Woh mast-e-nāz jo gulshan meñ ja nikalti hai
Kali kali ki zabāñ se dua nikalti hai
”الٰہی! پھُولوں میں وہ انتخاب مجھ کو کرے
کلی سے رشکِ گُلِ آفتاب مجھ کو کرے“
"Ilāhī! phūloñ meñ woh intikhāb mujh ko kare
Kali se rashk-e-gul-e-āftāb mujh ko kare"
تجھے وہ شاخ سے توڑیں! زہے نصیب ترے
تڑپتے رہ گئے گُلزار میں رقیب ترے
Tujhe woh shākh se toṛeñ! zahe nasīb tere
Taṛapte reh gaye gulzār meñ raqīb tere
اُٹھا کے صدمۂ فُرقت وصال تک پہنچا
تری حیات کا جوہر کمال تک پہنچا
Uṭha ke sadma-e-furqat visāl tak pahuñcha
Tiri hayāt ka jauhar kamāl tak pahuñcha
مرا کنول کہ تصدّق ہیں جس پہ اہلِ نظر
مرے شباب کے گُلشن کو ناز ہے جس پر
Mira kanval ki tasadduq haiñ jis pe ahl-e-nazar
Mire shabāb ke gulshan ko nāz hai jis par
کبھی یہ پھُول ہم آغوشِ مدّعا نہ ہوا
کسی کے دامنِ رنگیں سے آشنا نہ ہوا
Kabhi ye phūl ham-āghosh-e-mudda’a na hua
Kisi ke dāman-e-rangīñ se āshna na hua
شگفتہ کر نہ سکے گی کبھی بہار اسے
فسُردہ رکھتا ہے گُلچیں کا انتظار اسے
Shigufta kar na sakegi kabhi bahār use
Fasurda rakhta hai gulchīñ ka intizār use
