تجھے کیوں فکر ہے اے گُل دلِ صد چاکِ بُلبل کی
تُو اپنے پیرہن کے چاک تو پہلے رفو کر لے
Tujhe kyuñ fikr hai ai gul dil-e-sad-chāk-e-bulbul ki
Tu apne pairahan ke chāk to pehle rafu kar le
تمنّا آبرو کی ہو اگر گلزارِ ہستی میں
تو کانٹوں میں اُلجھ کر زندگی کرنے کی خو کر لے
Tamanna ābru ki ho agar gulzār-e-hasti meñ
To kāñṭoñ meñ ulajh kar zindagi karne ki khū kar le
صنوبر باغ میں آزاد بھی ہے، پا بہ گِل بھی ہے
اِنھی پابندیوں میں حاصل آزادی کو تُو کر لے
Sanobar bāgh meñ āzād bhi hai, pā-ba-gil bhi hai
Inhi pābandiyoñ meñ hāsil āzādi ko tu kar le
تنک بخشی کو اِستغنا سے پیغامِ خجالت دے
نہ رہ منّت کشِ شبنم، نِگُوں جام و سبو کر لے
Tunuk-bakhshi ko istighna se paighām-e-khijālat de
Na reh minnat-kash-e-shabnam, nigūñ jām o subū kar le
نہیں یہ شانِ خودداری، چمن سے توڑ کر تجھ کو
کوئی دستار میں رکھ لے، کوئی زیبِ گلو کر لے
Nahīñ ye shān-e-khuddāri, chaman se toṛ kar tujh ko
Koi dastār meñ rakh le, koi zeb-e-gulū kar le
چمن میں غنچۂ گُل سے یہ کہہ کر اُڑ گئی شبنم
مذاقِ جَورِ گُلچیں ہو تو پیدا رنگ و بو کر لے
Chaman meñ ghuncha-e-gul se ye keh kar uṛ gai shabnam
Mazāq-e-jaur-e-gulchīñ ho to paida rang o bū kar le
اگر منظور ہو تجھ کو خزاں ناآشنا رہنا
جہانِ رنگ و بو سے، پہلے قطعِ آرزو کر لے
Agar manzūr ho tujh ko khizāñ-nā-āshna rehna
Jahān-e-rang o bū se, pehle qat-e-ārzū kar le
اسی میں دیکھ، مُضمر ہے کمالِ زندگی تیرا
جو تجھ کو زینتِ دامن کوئی آئینہ رُو کر لے
Isi meñ dekh, muzmar hai kamāl-e-zindagi tera
Jo tujh ko zīnat-e-dāman koi āīna-rū kar le
