صبح جب میری نگہ سودائیِ نظّارہ تھی
آسماں پر اک شُعاعِ آفتاب آوارہ تھی
Subh jab meri nigah saudā-e-nazzāra thi
Āsmāñ par ik shuā-e-āftāb āvāra thi
مَیں نے پُوچھا اُس کرن سے ”اے سراپا اضطراب!
تیری جانِ ناشکیبا میں ہے کیسا اضطراب
Maiñ ne pūchha us kiran se "Ai sarāpa iztirāb!
Teri jān-e-nā-shakeba meñ hai kaisa iztirāb
تُو کوئی چھوٹی سی بجلی ہے کہ جس کو آسماں
کر رہا ہے خرمنِ اقوام کی خاطر جواں
Tu koi chhoṭi si bijli hai ki jis ko āsmāñ
Kar raha hai khirman-e-aqvām ki khātir javāñ
یہ تڑپ ہے یا ازل سے تیری خُو ہے، کیا ہے یہ
رقص ہے، آوارگی ہے، جُستجو ہے، کیا ہے یہ؟“
Ye taṛap hai ya azal se teri khū hai, kya hai ye
Raqs hai, āvāragi hai, justuju hai, kya hai ye?"
”خُفتہ ہنگامے ہیں میری ہستیِ خاموش میں
پرورش پائی ہے مَیں نے صُبح کی آغوش میں
"Khufta hangāme haiñ meri hasti-e-khāmosh meñ
Parvarish pāi hai maiñ ne subh ki āghosh meñ
مُضطرب ہر دَم مری تقدیر رکھتی ہے مجھے
جُستجو میں لذّتِ تنویر رکھتی ہے مجھے
Muztarib har dam miri taqdīr rakhti hai mujhe
Justuju meñ lazzat-e-tanvīr rakhti hai mujhe
برقِ آتش خُو نہیں، فطرت میں گو ناری ہوں مَیں
مہرِ عالم تاب کا پیغامِ بیداری ہوں مَیں
Barq-e-ātish-khū nahīñ, fitrat meñ go nāri hūñ maiñ
Mehr-e-ālam-tāb ka paighām-e-bedāri hūñ maiñ
سُرمہ بن کر چشمِ انساں میں سما جاؤں گی مَیں
رات نے جو کچھ چھُپا رکھّا تھا، دِکھلاؤں گی مَیں
Surma ban kar chashm-e-insāñ meñ sama jāūñgi maiñ
Raat ne jo kuchh chhupa rakkha tha, dikhlāūñgi maiñ
تیرے مستوں میں کوئی جویائے ہشیاری بھی ہے
سونے والوں میں کسی کو ذوقِ بیداری بھی ہے؟“
Tere mastoñ meñ koi joyā-e-hushyāri bhi hai
Sone vāloñ meñ kisi ko zauq-e-bedāri bhi hai?"
