پھر بادِ بہار آئی، اقبالؔ غزل خواں ہو
غنچہ ہے اگر گُل ہو، گُل ہے تو گُلستاں ہو
Phir bād-e-bahār āī, Iqbāl ghazal-khwāñ ho
Ghuncha hai agar gul ho, gul hai to gulistāñ ho
تُو خاک کی مُٹھّی ہے، اجزا کی حرارت سے
برہم ہو، پریشاں ہو، وسعت میں بیاباں ہو
Tu khāk ki muṭṭhī hai, ajzā ki harārat se
Barham ho, pareshāñ ho, vus’at meñ bayābāñ ho
تُو جنسِ محبّت ہے، قیمت ہے گراں تیری
کم مایہ ہیں سوداگر، اس دیس میں ارزاں ہو
Tu jins-e-mohabbat hai, qīmat hai girāñ teri
Kam-māya haiñ saudāgar, is des meñ arzāñ ho
کیوں ساز کے پردے میں مستور ہو لَے تیری
تُو نغمۂ رنگیں ہے، ہر گوش پہ عُریاں ہو
Kyuñ sāz ke parde meñ mastūr ho lai teri
Tu naghma-e-rangīñ hai, har gosh pe uryāñ ho
اے رہروِ فرزانہ! رستے میں اگر تیرے
گُلشن ہے تو شبنم ہو، صحرا ہے تو طوفاں ہو
Ai rah-rav-e-farzāna! raste meñ agar tere
Gulshan hai to shabnam ho, sahrā hai to tūfāñ ho
ساماں کی محبّت میں مُضمَر ہے تن آسانی
مقصد ہے اگر منزل، غارت گرِ ساماں ہو
Sāmāñ ki mohabbat meñ muzmar hai tan-āsāni
Maqsad hai agar manzil, ghārat-gar-e-sāmāñ ho
