اجالا جب ہوا رخصت جبینِ شب کی افشاں کا
نسیمِ زندگی پیغام لائی صبحِ خنداں کا
Ujala jab hua rukhsat jabin-e-shab ki afshan ka
Nasim-e-zindagi paigham lai subh-e-khandan ka
جگایا بلبلِ رنگیں نوا کو آشیانے میں
کنارے کھیت کے شانہ ہلایا اس نے دہقاں کا
Jagaya bulbul-e-rangin-nawa ko ashiyane mein
Kinare khet ke shana hilaya us ne dehqan ka
طلسمِ ظلمتِ شب سورۂ والنور سے توڑا
اندھیرے میں اڑایا تاجِ زر شمعِ شبستاں کا
Tilism-e-zulmat-e-shab Sura-e-wan-Noor se tora
Andhere mein uraya taj-e-zar sham-e-shabistan ka
پڑھا خوابیدگانِ دیر پر افسونِ بیداری
برہمن کو دیا پیغام خورشیدِ درخشاں کا
Parha khwabidagan-e-dair par afsun-e-bedari
Brahman ko diya paigham khurshid-e-darakhshan ka
ہوئی بامِ حرم پر آ کے یوں گویا مؤذن سے
نہیں کھٹکا ترے دل میں نمودِ مہرِ تاباں کا؟
Hui bam-e-haram par aa ke yun goya muazzin se
Nahin khatka tere dil mein numud-e-mehr-e-taban ka?
پکاری اس طرح دیوارِ گلشن پر کھڑے ہو کر
چٹک او غنچۂ گل! تو مؤذن ہے گلستاں کا
Pukari is tarah diwar-e-gulshan par khare ho kar
Chatak o ghuncha-e-gul! tu muazzin hai gulistan ka
دیا یہ حکم صحرا میں چلو اے قافلے والو!
چمکنے کو ہے جگنو بن کے ہر ذرہ بیاباں کا
Diya ye hukm sahra mein chalo ae qafile walo!
Chamakne ko hai jugnu ban ke har zarra biyaban ka
سوئے گورِ غریباں جب گئی زندوں کی بستی سے
تو یوں بولی نظارا دیکھ کر شہرِ خموشاں کا
Su-e-gor-e-ghariban jab gai zindon ki basti se
To yun boli nazzara dekh kar shahr-e-khamoshan ka
ابھی آرام سے لیٹے رہو، میں پھر بھی آؤں گی
سلا دوں گی جہاں کو، خواب سے تم کو جگاؤں گی
Abhi aram se lete raho, main phir bhi aaungi
Sula dungi jahan ko, khwab se tum ko jagaungi
