سہانی نمودِ جہاں کی گھڑی تھی
تبسم فشاں زندگی کی کلی تھی
Suhani numud-e-jahan ki ghari thi
Tabassum-fishan zindagi ki kali thi
کہیں مہر کو تاجِ زر مل رہا تھا
عطا چاند کو چاندنی ہو رہی تھی
Kahin mehr ko taj-e-zar mil raha tha
Ata chand ko chandni ho rahi thi
سیہ پیرہن شام کو دے رہے تھے
ستاروں کو تعلیمِ تابندگی تھی
Siyah pairahan sham ko de rahe the
Sitaron ko talim-e-tabindagi thi
کہیں شاخِ ہستی کو لگتے تھے پتے
کہیں زندگی کی کلی پھوٹتی تھی
Kahin shakh-e-hasti ko lagte the patte
Kahin zindagi ki kali phutti thi
فرشتے سکھاتے تھے شبنم کو رونا
ہنسی گل کو پہلے پہل آ رہی تھی
Farishte sikhate the shabnam ko rona
Hansi gul ko pehle-pehal aa rahi thi
عطا درد ہوتا تھا شاعر کے دل کو
خودی تشنہ کامِ مئے بے خودی تھی
Ata dard hota tha shair ke dil ko
Khudi tashna-kam-e-mai-e-bekhudi thi
اٹھی اول اول گھٹا کالی کالی
کوئی حور چوٹی کو کھولے کھڑی تھی
Uthi awwal-awwal ghata kali kali
Koi hoor choti ko khole khari thi
زمیں کو تھا دعویٰ کہ میں آسماں ہوں
مکاں کہہ رہا تھا کہ میں لا مکاں ہوں
Zamin ko tha dawa ke main asman hun
Makan keh raha tha ke main la-makan hun
غرض اس قدر یہ نظارہ تھا پیارا
کہ نظارگی ہو سراپا نظارا
Gharaz is qadar ye nazzara tha pyara
Ke nazzaragi ho sarapa nazzara
ملک آزماتے تھے پرواز اپنی
جبینوں سے نورِ ازل آشکارا
Malak azmate the parwaz apni
Jabinon se noor-e-azal ashkara
فرشتہ تھا اک، عشق تھا نام جس کا
کہ تھی رہبری اس کی سب کا سہارا
Farishta tha ik, ishq tha naam jis ka
Ke thi rahbari us ki sab ka sahara
فرشتہ کہ پتلا تھا بے تابیوں کا
ملک کا ملک اور پارے کا پارا
Farishta ke putla tha betabiyon ka
Malak ka malak aur pare ka para
پئے سیر فردوس کو جا رہا تھا
قضا سے ملا راہ میں وہ قضا را
Pa-e-sair firdaus ko ja raha tha
Qaza se mila rah mein woh qaza-ra
یہ پوچھا ترا نام کیا، کام کیا ہے
نہیں آنکھ کو دید تیری گوارا
Ye puchha tera naam kya, kaam kya hai
Nahin ankh ko did teri gawara
ہوا سن کے گویا قضا کا فرشتہ
اجل ہوں، مرا کام ہے آشکارا
Hua sun ke goya qaza ka farishta
Ajal hun, mera kaam hai ashkara
اڑاتی ہوں میں رختِ ہستی کے پرزے
بجھاتی ہوں میں زندگی کا شرارا
Urati hun main rakht-e-hasti ke purze
Bujhati hun main zindagi ka sharara
مری آنکھ میں جادوئے نیستی ہے
پیامِ فنا ہے اسی کا اشارا
Meri ankh mein jadu-e-nesti hai
Payam-e-fana hai isi ka ishara
مگر ایک ہستی ہے دنیا میں ایسی
وہ آتش ہے میں سامنے اس کے پارا
Magar ek hasti hai dunya mein aisi
Woh atish hai main samne us ke para
شرر بن کے رہتی ہے انساں کے دل میں
وہ ہے نورِ مطلق کی آنکھوں کا تارا
Sharar ban ke rehti hai insan ke dil mein
Woh hai noor-e-mutlaq ki ankhon ka tara
ٹپکتی ہے آنکھوں سے بن بن کے آنسو
وہ آنسو کہ ہو جن کی تلخی گوارا
Tapakti hai ankhon se ban ban ke ansu
Woh ansu ke ho jin ki talkhi gawara
سنی عشق نے گفتگو جب قضا کی
ہنسی اس کے لب پر ہوئی آشکارا
Suni ishq ne guftagu jab qaza ki
Hansi us ke lab par hui ashkara
گری اس تبسم کی بجلی اجل پر
اندھیرے کا ہو نور میں کیا گزارا
Giri us tabassum ki bijli ajal par
Andhere ka ho noor mein kya guzara
بقا کو جو دیکھا فنا ہو گئی وہ
قضا تھی، شکارِ قضا ہو گئی وہ
Baqa ko jo dekha fana ho gai woh
Qaza thi, shikar-e-qaza ho gai woh
