پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے
pareshan ho ke meri khak aakhir dil na ban jae
jo mushkil ab hai ya rab phir vahi mushkil na ban jae
نہ کر دیں مجھ کو مجبور نوا فردوس میں حوریں
مرا سوز دروں پھر گرمی محفل نہ بن جائے
na kar den mujh ko majbur-e-nava firdaus mein huren
mera soz-e-darun phir garmi-e-mahfil na ban jae
کبھی چھوڑی ہوئی منزل بھی یاد آتی ہے راہی کو
کھٹک سی ہے جو سینے میں غم منزل نہ بن جائے
kabhi chhodi hui manzil bhi yaad aati hai rahi ko
khatak si hai jo sine mein gham-e-manzil na ban jae
بنایا عشق نے دریائے ناپیدا کراں مجھ کو
یہ میری خود نگہداری مرا ساحل نہ بن جائے
banaya ishq ne darya-e-na-paida-karan mujh ko
ye meri khud-nigahdari mera sahil na ban jae
کہیں اس عالم بے رنگ و بو میں بھی طلب میری
وہی افسانۂ دنبالۂ محمل نہ بن جائے
kahin is alam-e-be-rang-o-bu mein bhi talab meri
vahi afsana-e-dumbala-e-mahmil na ban jae
عروج آدم خاکی سے انجم سہمے جاتے ہیں
کہ یہ ٹوٹا ہوا تارا مہ کامل نہ بن جائے
uruj-e-Adam-e-khaki se anjum sahme jaate hain
ki ye tuta hua tara mah-e-kamil na ban jae
