آتی ہے مشرق سے جب ہنگامہ در دامن سحَر
منزلِ ہستی سے کر جاتی ہے خاموشی سفر
Āti hai mashriq se jab hangāma dar dāman sahar
Manzil-e-hasti se kar jāti hai khāmoshi safar
محفلِ قُدرت کا آخر ٹُوٹ جاتا ہے سکُوت
دیتی ہے ہر چیز اپنی زندگانی کا ثبوت
Mahfil-e-qudrat ka ākhir ṭūṭ jāta hai sukūt
Deti hai har cheez apni zindagāni ka subūt
چہچہاتے ہیں پرندے پا کے پیغامِ حیات
باندھتے ہیں پھُول بھی گُلشن میں احرامِ حیات
Chehchāte haiñ parinde pā ke paighām-e-hayāt
Bāñdhte haiñ phūl bhi gulshan meñ ehrām-e-hayāt
مسلمِ خوابیدہ اُٹھ، ہنگامہ آرا تُو بھی ہو
وہ چمک اُٹھّا اُفُق، گرمِ تقاضا تُو بھی ہو
Muslim-e-khwābīda uṭh, hangāma-āra tu bhi ho
Woh chamak uṭṭha ufuq, garm-e-taqāza tu bhi ho
وسعتِ عالم میں رہ پیما ہو مثلِ آفتاب
دامنِ گردُوں سے ناپیدا ہوں یہ داغِ سحاب
Vus’at-e-ālam meñ rah-paima ho misl-e-āftāb
Dāman-e-gardūñ se nā-paida hoñ ye dāgh-e-sahāb
کھینچ کر خنجر کرن کا، پھر ہو سرگرمِ ستیز
پھر سِکھا تاریکیِ باطل کو آدابِ گریز
Kheñch kar khanjar kiran ka, phir ho sargarm-e-satez
Phir sikha tārīki-e-bātil ko ādāb-e-gurez
تُو سراپا نور ہے، خوشتر ہے عُریانی تُجھے
اور عُریاں ہو کے لازم ہے خود افشانی تجھے
Tu sarāpa nūr hai, khush-tar hai uryāni tujhe
Aur uryāñ ho ke lāzim hai khud-afshāni tujhe
ہاں، نمایاں ہو کے برقِ دیدۂ خفّاش ہو
اے دلِ کون ومکاں کے رازِ مضمر! فاش ہو
Hāñ, namāyāñ ho ke barq-e-dīda-e-khuffāsh ho
Ai dil-e-kaun-o-makāñ ke rāz-e-muzmar! fāsh ho
