دے ولولۂ شوق جسے لذّتِ پرواز
کر سکتا ہے وہ ذرّہ مہ و مہر کو تاراج
De walwala-e-shauq jise lazzat-e-parwaz
Kar sakta hai woh zarra mah o mehr ko taraj
مشکل نہیں یارانِ چمن! معرکۂ باز
پُر سوز اگر ہو نفَسِ سینۂ دُرّاج
Mushkil nahin yaran-e-chaman! maarka-e-baz
Pur-soz agar ho nafas-e-sina-e-durraj
ناوک ہے مسلماں، ہدَف اس کا ہے ثُریّا
ہے سِرِّ سرا پردۂ جاں نکتۂ معراج
Navak hai Musalman, hadaf is ka hai Surayya
Hai sirr-e-sara-parda-e-jan nukta-e-Miraj
تُو معنیِ وَالنّجم، نہ سمجھا تو عجب کیا
ہے تیرا مَد و جزْر ابھی چاند کا محتاج
Tu maani-e-wan-najm na samjha to ajab kya
Hai tera madd o jazr abhi chand ka mohtaj
