زمانہ آیا ہے بے حجابی کا عام دیدار یار ہوگا
سکوت تھا پردہ دار جس کا وہ راز اب آشکار ہوگا
zamana aaya hai be-hijabi ka, aam didar-e-yar hoga
sukut tha parda-dar jis ka, vo raz ab aashkar hoga
گزر گیا اب وہ دور ساقی کہ چھپ کے پیتے تھے پینے والے
بنے گا سارا جہان مے خانہ ہر کوئی بادہ خوار ہوگا
guzar gaya ab vo daur saqi ki chhup ke pite the pine vale
banega sara jahan mai-khana, har koi bada-khvar hoga
کبھی جو آوارۂ جنوں تھے وہ بستیوں میں پھر آ بسیں گے
برہنہ پائی وہی رہے گی مگر نیا خارزار ہوگا
kabhi jo aavara-e-junun the, vo bastiyon mein phir aa basenge
barahna-pai vahi rahegi, magar naya kharzar hoga
سنا دیا گوش منتظر کو حجاز کی خامشی نے آخر
جو عہد صحرائیوں سے باندھا گیا تھا پھر استوار ہوگا
suna diya gosh-e-muntazir ko Hijaz ki khamushi ne aakhir
jo ahd sahraiyon se bandha gaya tha, phir ustuvar hoga
نکل کے صحرا سے جس نے روما کی سلطنت کو الٹ دیا تھا
سنا ہے یہ قدسیوں سے میں نے وہ شیر پھر ہوشیار ہوگا
nikal ke sahra se jis ne Roma ki saltanat ko ulat diya tha
suna hai ye qudsiyon se main ne, vo sher phir hoshyar hoga
کیا مرا تذکرہ جو ساقی نے بادہ خواروں کی انجمن میں
تو پیر مے خانہ سن کے کہنے لگا کہ منہ پھٹ ہے خوار ہوگا
kiya mira tazkira jo saqi ne bada-khvaron ki anjuman mein
to pir-e-mai-khana sun ke kahne laga ki munh-phat hai, khvar hoga
دیار مغرب کے رہنے والو خدا کی بستی دکاں نہیں ہے
کھرا جسے تم سمجھ رہے ہو وہ اب زر کم عیار ہوگا
diyar-e-Maghrib ke rahne valo! khuda ki basti dukan nahin hai
khara jise tum samajh rahe ho, vo ab zar-e-kam-ayar hoga
تمہاری تہذیب اپنے خنجر سے آپ ہی خودکشی کرے گی
جو شاخ نازک پہ آشیانہ بنے گا ناپائیدار ہوگا
tumhari tahzib apne khanjar se aap hi khud-kushi karegi
jo shakh-e-nazuk pe aashiyana banega, na-paedar hoga
سفینۂ برگ گل بنا لے گا قافلہ مور ناتواں کا
ہزار موجوں کی ہو کشاکش مگر یہ دریا سے پار ہوگا
safina-e-barg-e-gul bana lega qafila mur-e-natavan ka
hazar maujon ki ho kashakash magar ye dariya se paar hoga
چمن میں لالہ دکھاتا پھرتا ہے داغ اپنا کلی کلی کو
یہ جانتا ہے کہ اس دکھاوے سے دل جلوں میں شمار ہوگا
chaman mein lala dikhata phirta hai dagh apna kali kali ko
ye janta hai ki is dikhave se dil-jalon mein shumar hoga
جو ایک تھا اے نگاہ تو نے ہزار کر کے ہمیں دکھایا
یہی اگر کیفیت ہے تیری تو پھر کسے اعتبار ہوگا
jo ek tha ai nigah tu ne hazar kar ke hamein dikhaya
yahi agar kaifiyat hai teri to phir kise etibar hoga
کہا جو قمری سے میں نے اک دن یہاں کے آزاد پا بہ گل ہیں
تو غنچے کہنے لگے ہمارے چمن کا یہ رازدار ہوگا
kaha jo qumri se main ne ik din, yahan ke azad pa-ba-gil hain
to ghunche kahne lage, hamare chaman ka ye raz-dar hoga
خدا کے عاشق تو ہیں ہزاروں بنوں میں پھرتے ہیں مارے مارے
میں اس کا بندہ بنوں گا جس کو خدا کے بندوں سے پیار ہوگا
khuda ke ashiq to hain hazaron, banon mein phirte hain mare mare
main us ka banda banunga jis ko khuda ke bandon se pyar hoga
یہ رسم بزم فنا ہے اے دل گناہ ہے جنبش نظر بھی
رہے گی کیا آبرو ہماری جو تو یہاں بے قرار ہوگا
ye rasm-e-bazm-e-fana hai ai dil! gunah hai jumbish-e-nazar bhi
rahegi kya aabru hamari jo tu yahan beqarar hoga
میں ظلمت شب میں لے کے نکلوں گا اپنے در ماندہ کارواں کو
شرر فشاں ہوگی آہ میری نفس مرا شعلہ بار ہوگا
main zulmat-e-shab mein le ke niklunga apne darmanda karvan ko
sharar-fishan hogi aah meri, nafas mira shola-bar hoga
نہیں ہے غیر از نمود کچھ بھی جو مدعا تیری زندگی کا
تو اک نفس میں جہاں سے مٹنا تجھے مثال شرار ہوگا
nahin hai ghair-az-numud kuchh bhi jo mudda teri zindagi ka
to ik nafas mein jahan se mitna tujhe misal-e-sharar hoga
نہ پوچھ اقبالؔ کا ٹھکانا ابھی وہی کیفیت ہے اس کی
کہیں سر رہ گزار بیٹھا ستم کش انتظار ہوگا
na puchh Iqbal ka thikana, abhi vahi kaifiyat hai us ki
kahin sar-e-rahguzar baitha sitam-kash-e-intizar hoga
