عصرِ حاضر مَلک الموت ہے تیرا، جس نے
قبض کی رُوح تری دے کے تجھے فکرِ معاش
Asr-e-hazir malak-ul-maut hai tera, jis ne
Qabz ki ruh teri de ke tujhe fikr-e-maash
دل لَرزتا ہے حریفانہ کشاکش سے ترا
زندگی موت ہے، کھو دیتی ہے جب ذوقِ خراش
Dil larazta hai harifana kashakash se tera
Zindagi maut hai, kho deti hai jab zauq-e-kharash
اُس جُنوں سے تجھے تعلیم نے بیگانہ کِیا
جو یہ کہتا تھا خرد سے کہ بہانے نہ تراش
Us junun se tujhe taalim ne begana kiya
Jo yeh kehta tha khirad se ke bahane na tarash
فیضِ فطرت نے تجھے دیدۂ شاہیں بخشا
جس میں رکھ دی ہے غلامی نے نگاہِ خفّاش
Faiz-e-fitrat ne tujhe dida-e-shahin bakhsha
Jis mein rakh di hai ghulami ne nigah-e-khuffash
مَدرسے نے تری آنکھوں سے چھُپایا جن کو
خلوَتِ کوہ و بیاباں میں وہ اسرار ہیں فاش
Madrase ne teri aankhon se chhupaya jin ko
Khalwat-e-koh o biyaban mein woh asrar hain fash
