خرد کے پاس خبر کے سوا کچھ اور نہیں
ترا علاج نظر کے سوا کچھ اور نہیں
khirad ke paas khabar ke siva kuchh aur nahin
tira ilaj nazar ke siva kuchh aur nahin
ہر اک مقام سے آگے مقام ہے تیرا
حیات ذوق سفر کے سوا کچھ اور نہیں
har ik maqam se aage maqam hai tera
hayat zauq-e-safar ke siva kuchh aur nahin
گراں بہا ہے تو حفظ خودی سے ہے ورنہ
گہر میں آب گہر کے سوا کچھ اور نہیں
giran-baha hai to hifz-e-khudi se hai varna
guhar mein ab-e-guhar ke siva kuchh aur nahin
رگوں میں گردش خوں ہے اگر تو کیا حاصل
حیات سوز جگر کے سوا کچھ اور نہیں
ragon mein gardish-e-khun hai agar to kya hasil
hayat soz-e-jigar ke siva kuchh aur nahin
عروس لالہ مناسب نہیں ہے مجھ سے حجاب
کہ میں نسیم سحر کے سوا کچھ اور نہیں
arus-e-lala! munasib nahin hai mujh se hijab
ki main nasim-e-sahar ke siva kuchh aur nahin
جسے کساد سمجھتے ہیں تاجران فرنگ
وہ شے متاع ہنر کے سوا کچھ اور نہیں
jise kasad samajhte hain tajiran-e-farang
vo shai mata-e-hunar ke siva kuchh aur nahin
بڑا کریم ہے اقبال بے نوا لیکن
عطائے شعلہ شرر کے سوا کچھ اور نہیں
bada karim hai Iqbal-e-be-nava lekin
ata-e-shola sharar ke siva kuchh aur nahin
