ہسپانیہ تُو خُونِ مسلماں کا امیں ہے
مانندِ حرم پاک ہے تُو میری نظر میں
Hispania tu khoon-e-Musalman ka amin hai
Manind-e-Haram pak hai tu meri nazar mein
پوشیدہ تری خاک میں سجدوں کے نشاں ہیں
خاموش اذانیں ہیں تری بادِ سحَر میں
Poshida teri khak mein sajdon ke nishan hain
Khamosh azanen hain teri baad-e-sahar mein
روشن تھیں ستاروں کی طرح ان کی سنانیں
خیمے تھے کبھی جن کے ترے کوہ و کمر میں
Raushan thin sitaron ki tarah un ki sinanen
Khaime the kabhi jin ke tere koh-o-kamar mein
پھر تیرے حسینوں کو ضرورت ہے حِنا کی؟
باقی ہے ابھی رنگ مرے خُونِ جگر میں!
Phir tere haseenon ko zaroorat hai hina ki?
Baqi hai abhi rang mere khoon-e-jigar mein!
کیونکر خس و خاشاک سے دب جائے مسلماں
مانا، وہ تب و تاب نہیں اس کے شرر میں
Kyunkar khas-o-khashak se dab jaye Musalman
Mana, wo tab-o-tab nahin us ke sharar mein
غرناطہ بھی دیکھا مری آنکھوں نے و لیکن
تسکینِ مسافر نہ سفر میں نہ حضَر میں
Gharnata bhi dekha meri aankhon ne va-lekin
Taskeen-e-musafir na safar mein na hazar mein
دیکھا بھی دِکھایا بھی، سُنایا بھی سُنا بھی
ہے دل کی تسلّی نہ نظر میں، نہ خبر میں!
Dekha bhi dikhaya bhi, sunaya bhi suna bhi
Hai dil ki tasalli na nazar mein, na khabar mein!
