کس زباں سے اے گلِ پژمردہ تجھ کو گل کہوں
کس طرح تجھ کو تمنائے دلِ بلبل کہوں
تھی کبھی موجِ صبا گہوارۂ جنباں ترا
نام تھا صحنِ گلستاں میں گلِ خنداں ترا
تیرے احساں کا نسیمِ صبح کو اقرار تھا
باغ تیرے دم سے گویا طبلۂ عطار تھا
Kis zuban se ae gul-e-pazhmurda tujh ko gul kahun
Kis tarah tujh ko tamanna-e-dil-e-bulbul kahun
Thi kabhi mauj-e-saba gahwara-e-jumban tera
Naam tha sehn-e-gulistan mein gul-e-khandan tera
Tere ehsan ka nasim-e-subh ko iqrar tha
Bagh tere dam se goya tabla-e-attar tha
تجھ پہ برساتا ہے شبنم دیدۂ گریاں مرا
ہے نہاں تیری اداسی میں دلِ ویراں مرا
میری بربادی کی ہے چھوٹی سی اک تصویر تو
خواب میری زندگی تھی جس کی ہے تعبیر تو
ہمچو نے از نیستانِ خود حکایت می کنم
بشنو اے گل! از جدائی ہا شکایت می کنم
Tujh pe barsata hai shabnam dida-e-giryan mera
Hai nihan teri udasi mein dil-e-weeran mera
Meri barbadi ki hai chhoti si ik tasvir tu
Khwab meri zindagi thi jis ki hai tabir tu
Hamchu nai az naistan-e-khud hikayat mi-kunam
Bishnau ae gul! az judai-ha shikayat mi-kunam
