شورشِ میخانۂ انساں سے بالاتر ہے تو
زینتِ بزمِ فلک ہو جس سے وہ ساغر ہے تو
ہو درِ گوشِ عروسِ صبح وہ گوہر ہے تو
جس پہ سیمائے افق نازاں ہو وہ زیور ہے تو
صفحۂ ایام سے داغِ مدادِ شب مٹا
آسماں سے نقشِ باطل کی طرح کوکب مٹا
Shorish-e-maikhana-e-insan se balatar hai tu
Zinat-e-bazm-e-falak ho jis se woh saghar hai tu
Ho dur-e-gosh-e-arus-e-subh woh gauhar hai tu
Jis pe sima-e-ufaq nazan ho woh zewar hai tu
Safha-e-ayyam se dagh-e-midad-e-shab mita
Asman se naqsh-e-batil ki tarah kaukab mita
حسن تیرا جب ہوا بامِ فلک سے جلوہ گر
آنکھ سے اڑتا ہے یک دم خواب کی مے کا اثر
نور سے معمور ہو جاتا ہے دامانِ نظر
کھولتی ہے چشمِ ظاہر کو ضیا تیری مگر
ڈھونڈتی ہیں جس کو آنکھیں وہ تماشا چاہیے
چشمِ باطن جس سے کھل جائے وہ جلوا چاہیے
Husn tera jab hua bam-e-falak se jalwa-gar
Ankh se urta hai yak-dam khwab ki mai ka asar
Noor se mamur ho jata hai daman-e-nazar
Kholti hai chashm-e-zahir ko ziya teri magar
Dhundti hain jis ko ankhen woh tamasha chahiye
Chashm-e-batin jis se khul jaye woh jalwa chahiye
شوقِ آزادی کے دنیا میں نہ نکلے حوصلے
زندگی بھر قیدِ زنجیرِ تعلق میں رہے
زیر و بالا ایک ہیں تیری نگاہوں کے لیے
آرزو ہے کچھ اسی چشمِ تماشا کی مجھے
آنکھ میری اور کے غم میں سرشک آباد ہو
امتیازِ ملت و آئیں سے دل آزاد ہو
Shauq-e-azadi ke dunya mein na nikle hausle
Zindagi bhar qaid-e-zanjir-e-taalluq mein rahe
Zer-o-bala ek hain teri nigahon ke liye
Arzu hai kuchh isi chashm-e-tamasha ki mujhe
Ankh meri aur ke gham mein sirishk-abad ho
Imtiyaz-e-millat-o-ain se dil azad ho
بستۂ رنگِ خصوصیت نہ ہو میری زباں
نوعِ انساں قوم ہو میری، وطن میرا جہاں
دیدۂ باطن پہ رازِ نظمِ قدرت ہو عیاں
ہو شناسائے فلک شمعِ تخیل کا دھواں
عقدۂ اضداد کی کاوش نہ تڑپائے مجھے
حسن عشق انگیز ہر شے میں نظر آئے مجھے
Basta-e-rang-e-khususiyat na ho meri zuban
Nau-e-insan qaum ho meri, watan mera jahan
Dida-e-batin pe raaz-e-nazm-e-qudrat ho ayan
Ho shanasa-e-falak sham-e-takhayyul ka dhuan
Uqda-e-azdad ki kawish na tarpaye mujhe
Husn ishq-angez har shai mein nazar aye mujhe
صدمہ آ جائے ہوا سے گل کی پتی کو اگر
اشک بن کر میری آنکھوں سے ٹپک جائے اثر
دل میں ہو سوزِ محبت کا وہ چھوٹا سا شرر
نور سے جس کے ملے رازِ حقیقت کی خبر
شاہدِ قدرت کا آئینہ ہو، دل میرا نہ ہو
سر میں جز ہمدردیِ انساں کوئی سودا نہ ہو
Sadma aa jaye hawa se gul ki patti ko agar
Ashk ban kar meri ankhon se tapak jaye asar
Dil mein ho soz-e-mohabbat ka woh chhota sa sharar
Noor se jis ke mile raaz-e-haqiqat ki khabar
Shahid-e-qudrat ka aaina ho, dil mera na ho
Sar mein juz hamdardi-e-insan koi sauda na ho
تو اگر زحمت کشِ ہنگامۂ عالم نہیں
یہ فضیلت کا نشاں اے نیرِ اعظم نہیں
اپنے حسنِ عالم آرا سے جو تو محرم نہیں
ہمسرِ یک ذرۂ خاکِ درِ آدم نہیں
نورِ مسجودِ ملک گرمِ تماشا ہی رہا
اور تو منت پذیرِ صبحِ فردا ہی رہا
Tu agar zahmat-kash-e-hangama-e-alam nahin
Ye fazilat ka nishan ae nayyar-e-azam nahin
Apne husn-e-alam-ara se jo tu mahram nahin
Hamsar-e-yak zarra-e-khak-e-dar-e-Adam nahin
Noor-e-masjud-e-malak garm-e-tamasha hi raha
Aur tu minnat-pazir-e-subh-e-farda hi raha
آرزو نورِ حقیقت کی ہمارے دل میں ہے
لیلیِ ذوقِ طلب کا گھر اسی محمل میں ہے
کس قدر لذت کشودِ عقدۂ مشکل میں ہے
لطفِ صد حاصل ہماری سعیِ بے حاصل میں ہے
دردِ استفہام سے واقف ترا پہلو نہیں
جستجوئے رازِ قدرت کا شناسا تو نہیں
Arzu noor-e-haqiqat ki hamare dil mein hai
Laila-e-zauq-e-talab ka ghar isi mahmil mein hai
Kis qadar lazzat kushud-e-uqda-e-mushkil mein hai
Lutf-e-sad hasil hamari sai-e-be-hasil mein hai
Dard-e-istifham se waqif tera pahlu nahin
Justuju-e-raaz-e-qudrat ka shanasa tu nahin
