دل سوز سے خالی ہے نگہ پاک نہیں ہے
پھر اس میں عجب کیا کہ تو بے باک نہیں ہے
dil soz se khali hai, nigah pak nahin hai
phir is mein ajab kya ki tu be-bak nahin hai
ہے ذوق تجلی بھی اسی خاک میں پنہاں
غافل تو نرا صاحب ادراک نہیں ہے
hai zauq-e-tajalli bhi isi khak mein pinhan
ghafil! tu nira sahib-e-idrak nahin hai
وہ آنکھ کہ ہے سرمۂ افرنگ سے روشن
پرکار و سخن ساز ہے نمناک نہیں ہے
vo aankh ki hai surma-e-afrang se raushan
purkar-o-sukhan-saz hai, namnak nahin hai
کیا صوفی و ملا کو خبر میرے جنوں کی
ان کا سر دامن بھی ابھی چاک نہیں ہے
kya sufi-o-mulla ko khabar mere junun ki
un ka sar-e-daman bhi abhi chak nahin hai
کب تک رہے محکومئ انجم میں مری خاک
یا میں نہیں یا گردش افلاک نہیں ہے
kab tak rahe mahkumi-e-anjum mein miri khak
ya main nahin, ya gardish-e-aflak nahin hai
بجلی ہوں نظر کوہ و بیاباں پہ ہے میری
میرے لیے شایاں خس و خاشاک نہیں ہے
bijli hun, nazar koh-o-bayaban pe hai meri
mere liye shayan khas-o-khashak nahin hai
عالم ہے فقط مومن جانباز کی میراث
مومن نہیں جو صاحب لولاک نہیں ہے
alam hai faqat momin-e-janbaz ki miras
momin nahin jo sahib-e-laulak nahin hai
