عظمتِ غالبؤ ہے اک مدت سے پیوندِ زمیں
مہدیِ مجروحؤ ہے شہرِ خموشاں کا مکیں
Azmat-e-Ghalib hai ik muddat se paiwand-e-zamin
Mahdi-e-Majruh hai shahr-e-khamoshan ka makin
توڑ ڈالی موت نے غربت میں مینائے امیرؤ
چشمِ محفل میں ہے اب تک کیفِ صہبائے امیرؤ
Tor dali maut ne ghurbat mein mina-e-Amir
Chashm-e-mehfil mein hai ab tak kaif-e-sahba-e-Amir
آج لیکن ہمنوا! سارا چمن ماتم میں ہے
شمعِ روشن بجھ گئی، بزمِ سخن ماتم میں ہے
Aaj lekin hamnawa! sara chaman matam mein hai
Sham-e-raushan bujh gai, bazm-e-sukhan matam mein hai
بلبلِ دلی نے باندھا اس چمن میں آشیاں
ہم نوا ہیں سب عنادل باغِ ہستی کے جہاں
Bulbul-e-Dilli ne bandha is chaman mein ashiyan
Ham-nawa hain sab anadil bagh-e-hasti ke jahan
چل بسا داغؤ آہ! میت اس کی زیبِ دوش ہے
آخری شاعر جہان آباد کا خاموش ہے
Chal basa Dagh aah! mayyat us ki zeb-e-dosh hai
Akhiri shair Jahanabad ka khamosh hai
اب کہاں وہ بانکپن، وہ شوخیِ طرزِ بیاں
آگ تھی کافورِ پیری میں جوانی کی نہاں
Ab kahan woh bankpan, woh shokhi-e-tarz-e-bayan
Aag thi kafur-e-piri mein jawani ki nihan
تھی زبانِ داغؤ پر جو آرزو ہر دل میں ہے
لیلیِ معنی وہاں بے پردہ، یاں محمل میں ہے
Thi zuban-e-Dagh par jo arzu har dil mein hai
Laila-e-mani wahan be-parda, yan mahmil mein hai
اب صبا سے کون پوچھے گا سکوتِ گل کا راز
کون سمجھے گا چمن میں نالۂ بلبل کا راز
Ab saba se kaun puchhega sukut-e-gul ka raaz
Kaun samjhega chaman mein nala-e-bulbul ka raaz
تھی حقیقت سے نہ غفلت فکر کی پرواز میں
آنکھ طائر کی نشیمن پر رہی پرواز میں
Thi haqiqat se na ghaflat fikr ki parwaz mein
Ankh tair ki nasheman par rahi parwaz mein
اور دکھلائیں گے مضموں کی ہمیں باریکیاں
اپنے فکرِ نکتہ آرا کی فلک پیمائیاں
Aur dikhlayenge mazmun ki hamen barikiyan
Apne fikr-e-nukta-ara ki falak-paimaiyan
تلخیِ دوراں کے نقشے کھینچ کر رلوائیں گے
یا تخیل کی نئی دنیا ہمیں دکھلائیں گے
Talkhi-e-dauran ke naqshe khench kar rulwayenge
Ya takhayyul ki nai dunya hamen dikhlayenge
اس چمن میں ہوں گے پیدا بلبلِ شیراز بھی
سینکڑوں ساحر بھی ہوں گے، صاحبِ اعجاز بھی
Is chaman mein honge paida bulbul-e-Shiraz bhi
Sainkron sahir bhi honge, sahib-e-ijaz bhi
اٹھیں گے آزر ہزاروں شعر کے بت خانے سے
مے پلائیں گے نئے ساقی نئے پیمانے سے
Uththenge Azar hazaron sher ke but-khane se
Mai pilayenge naye saqi naye paimane se
لکھی جائیں گی کتابِ دل کی تفسیریں بہت
ہوں گی اے خوابِ جوانی! تیری تعبیریں بہت
Likkhi jayengi kitab-e-dil ki tafsiren bahut
Hongi ae khwab-e-jawani! teri tabiren bahut
ہوبہو کھینچے گا لیکن عشق کی تصویر کون؟
اٹھ گیا ناوک فگن، مارے گا دل پر تیر کون؟
Hu-ba-hu khenchega lekin ishq ki tasvir kaun?
Uth gaya navak-figan, marega dil par teer kaun?
اشک کے دانے زمینِ شعر میں بوتا ہوں میں
تو بھی رو اے خاکِ دلی! داغؤ کو روتا ہوں میں
Ashk ke dane zamin-e-sher mein bota hun main
Tu bhi ro ae khak-e-Dilli! Dagh ko rota hun main
اے جہان آباد، اے سرمایۂ بزمِ سخن!
ہو گیا پھر آج پامالِ خزاں تیرا چمن
Ae Jahanabad, ae sarmaya-e-bazm-e-sukhan!
Ho gaya phir aaj pamal-e-khizan tera chaman
وہ گلِ رنگیں ترا رخصت مثالِ بو ہوا
آہ! خالی داغؤ سے کاشانۂ اردو ہوا
Woh gul-e-rangin tera rukhsat misal-e-bu hua
Aah! khali Dagh se kashana-e-Urdu hua
تھی نہ شاید کچھ کشش ایسی وطن کی خاک میں
وہ مہِ کامل ہوا پنہاں دکن کی خاک میں
Thi na shayad kuchh kashish aisi watan ki khak mein
Woh mah-e-kamil hua pinhan Dakan ki khak mein
اٹھ گئے ساقی جو تھے، میخانہ خالی رہ گیا
یادگارِ بزمِ دہلی ایک حالیؤ رہ گیا
Uth gaye saqi jo the, maikhana khali reh gaya
Yadgar-e-bazm-e-Dehli ek Hali reh gaya
آرزو کو خون رلواتی ہے بیدادِ اجل
مارتا ہے تیر تاریکی میں صیادِ اجل
Arzu ko khun rulwati hai bedad-e-ajal
Marta hai teer tariki mein sayyad-e-ajal
کھل نہیں سکتی شکایت کے لیے لیکن زباں
ہے خزاں کا رنگ بھی وجہِ قیامِ گلستاں
Khul nahin sakti shikayat ke liye lekin zuban
Hai khizan ka rang bhi wajh-e-qiyam-e-gulistan
ایک ہی قانونِ عالم گیر کے ہیں سب اثر
بوئے گل کا باغ سے، گلچیں کا دنیا سے سفر
Ek hi qanun-e-alamgir ke hain sab asar
Bu-e-gul ka bagh se, gulchin ka dunya se safar
