میرے ویرانے سے کوسوں دور ہے تیرا وطن
ہے مگر دریائے دل تیری کشش سے موجزن
Mere virane se koson door hai tera watan
Hai magar darya-e-dil teri kashish se maujzan
قصد کس محفل کا ہے؟ آتا ہے کس محفل سے تو؟
زرد رو شاید ہوا رنجِ رہِ منزل سے تو
Qasd kis mehfil ka hai? ata hai kis mehfil se tu?
Zard-ru shayad hua ranj-e-rah-e-manzil se tu
آفرینش میں سراپا نور تو، ظلمت ہوں میں
اس سیہ روزی پہ لیکن تیرا ہم قسمت ہوں میں
Afrinish mein sarapa noor tu, zulmat hun main
Is siyah-rozi pe lekin tera ham-qismat hun main
آہ! میں جلتا ہوں سوزِ اشتیاقِ دید سے
تو سراپا سوز داغِ منتِ خورشید سے
Aah! main jalta hun soz-e-ishtiyaq-e-did se
Tu sarapa soz dagh-e-minnat-e-khurshid se
ایک حلقے پر اگر قائم تری رفتار ہے
میری گردش بھی مثالِ گردشِ پرکار ہے
Ek halqe par agar qaim teri raftar hai
Meri gardish bhi misal-e-gardish-e-parkar hai
زندگی کی رہ میں سرگرداں ہے تو، حیراں ہوں میں
تو فروزاں محفلِ ہستی میں ہے، سوزاں ہوں میں
Zindagi ki rah mein sargardan hai tu, hairan hun main
Tu farozan mehfil-e-hasti mein hai, sozan hun main
میں رہِ منزل میں ہوں، تو بھی رہِ منزل میں ہے
تیری محفل میں جو خاموشی ہے، میرے دل میں ہے
Main rah-e-manzil mein hun, tu bhi rah-e-manzil mein hai
Teri mehfil mein jo khamoshi hai, mere dil mein hai
تو طلب خو ہے تو میرا بھی یہی دستور ہے
چاندنی ہے نور تیرا، عشق میرا نور ہے
Tu talab-khu hai to mera bhi yahi dastur hai
Chandni hai noor tera, ishq mera noor hai
انجمن ہے ایک میری بھی جہاں رہتا ہوں میں
بزم میں اپنی اگر یکتا ہے تو، تنہا ہوں میں
Anjuman hai ek meri bhi jahan rehta hun main
Bazm mein apni agar yakta hai tu, tanha hun main
مہر کا پرتو ترے حق میں ہے پیغامِ اجل
محو کر دیتا ہے مجھ کو جلوۂ حسنِ ازل
Mehr ka partau tere haq mein hai paigham-e-ajal
Mahv kar deta hai mujh ko jalwa-e-husn-e-azal
پھر بھی اے ماہِ مبیں! میں اور ہوں تو اور ہے
درد جس پہلو میں اٹھتا ہو، وہ پہلو اور ہے
Phir bhi ae mah-e-mubin! main aur hun tu aur hai
Dard jis pahlu mein uthta ho, woh pahlu aur hai
گرچہ میں ظلمت سراپا ہوں، سراپا نور تو
سینکڑوں منزل ہے ذوقِ آگہی سے دور تو
Garche main zulmat sarapa hun, sarapa noor tu
Sainkron manzil hai zauq-e-agahi se door tu
جو مری ہستی کا مقصد ہے، مجھے معلوم ہے
یہ چمک وہ ہے، جبیں جس سے تری محروم ہے
Jo meri hasti ka maqsad hai, mujhe maloom hai
Ye chamak woh hai, jabin jis se teri mahrum hai
