بے جرأت رندانہ ہر عشق ہے روباہی
بازو ہے قوی جس کا وہ عشق ید اللہی
Be-jurat-e-rindana har ishq hai rubahi
Bazu hai qavi jis ka vo ishq yadullahi
جو سختیٔ منزل کو سامان سفر سمجھے
اے وائے تن آسانی ناپید ہے وہ راہی
Jo sakhti-e-manzil ko saman-e-safar samjhe
Ai vae tan-asani napaid hai vo rahi
وحشت نہ سمجھ اس کو اے مردک میدانی
کہسار کی خلوت ہے تعلیم خود آگاہی
Vahshat na samajh is ko ai mardak-e-maidani
Kohsar ki khalvat hai talim-e-khud-agahi
دنیا ہے روایاتی عقبیٰ ہے مناجاتی
در باز دو عالم را این است شہنشاہی
Duniya hai rivayati uqba hai munajati
Dar baz do aalam ra in ast shahanshahi
