سورج نے جاتے جاتے شامِ سیہ قبا کو
طشتِ افق سے لے کر لالے کے پھول مارے
suraj ne jate jate sham-e-siyah-qaba ko
tasht-e-ufuq se le kar lale ke phul mare
پہنا دیا شفق نے سونے کا سارا زیور
قدرت نے اپنے گہنے چاندی کے سب اتارے
pahna diya shafaq ne sone ka sara zevar
qudrat ne apne gahne chandi ke sab utare
محمل میں خامشی کے لیلائے ظلمت آئی
چمکے عروسِ شب کے موتی وہ پیارے پیارے
mahmil mein khamushi ke laila-e-zulmat aai
chamke arus-e-shab ke moti vo pyare pyare
وہ دور رہنے والے ہنگامۂ جہاں سے
کہتا ہے جن کو انساں اپنی زباں میں ’تارے‘
vo duur rahne vale hangama-e-jahan se
kahta hai jin ko insan apni zaban mein 'tare'
محوِ فلک فروزی تھی انجمن فلک کی
عرشِ بریں سے آئی آواز اک ملک کی
mahv-e-falak-farozi thi anjuman falak ki
arsh-e-barin se aai aavaz ik malak ki
اے شب کے پاسانو، اے آسماں کے تارو!
تابندہ قوم ساری گردوں نشیں تمھاری
ai shab ke pasbano, ai aasman ke taro!
tabinda qaum sari gardun-nashin tumhari
چھیڑو سرود ایسا، جاگ اٹھیں سونے والے
رہبر ہے قافلوں کی تابِ جبیں تمھاری
chhedo surud aisa, jaag uthen sone vale
rahbar hai qafilon ki tab-e-jabin tumhari
آئینے قسمتوں کے تم کو یہ جانتے ہیں
شاید سنیں صدائیں اہلِ زمیں تمھاری
aaine qismaton ke tum ko ye jante hain
shayad sunen sadaen ahl-e-zamin tumhari
رخصت ہوئی خموشی تاروں بھری فضا سے
وسعت تھی آسماں کی معمور اس نوا سے
rukhsat hui khamoshi taron bhari faza se
vusat thi aasman ki mamur is nava se
”حسنِ ازل ہے پیدا تاروں کی دلبری میں
جس طرح عکسِ گل ہو شبنم کی آرسی میں
"husn-e-azal hai paida taron ki dilbari mein
jis tarah aks-e-gul ho shabnam ki aarsi mein
آئینِ نو سے ڈرنا، طرزِ کہن پہ اڑنا
منزل یہی کٹھن ہے قوموں کی زندگی میں
a'in-e-nau se darna, tarz-e-kuhan pe adna
manzil yahi kathin hai qaumon ki zindagi mein
یہ کاروانِ ہستی ہے تیز گام ایسا
قومیں کچل گئی ہیں جس کی رواروی میں
ye karvan-e-hasti hai tez-gam aisa
qaumen kuchal gai hain jis ki ravarvi mein
آنکھوں سے ہیں ہماری غائب ہزاروں انجم
داخل ہیں وہ بھی لیکن اپنی برادری میں
aankhon se hain hamari ghaib hazaron anjum
dakhil hain vo bhi lekin apni biradari mein
اک عمر میں نہ سمجھے اس کو زمین والے
جو بات پا گئے ہم تھوڑی سی زندگی میں
ik umr mein na samjhe is ko zamin vale
jo baat pa gae ham thodi si zindagi mein
ہیں جذبِ باہمی سے قائم نظام سارے
پوشیدہ ہے یہ نکتہ تاروں کی زندگی میں“
hain jazb-e-bahami se qaim nizam sare
poshida hai ye nukta taron ki zindagi mein"
