کیا شے ہے، کس امروز کا فردا ہے قیامت
اے میرے شبستانِ کہن! کیا ہے قیامت؟
kya shai hai, kis imroz ka farda hai qayaamat
ae mere shabistaan-e-kuhan! kya hai qayaamat?
اے مردۂ صد سالہ! تجھے کیا نہیں معلوم؟
ہر موت کا پوشیدہ تقاضا ہے قیامت!
ae murda-e-sad-saala! tujhe kya nahin maaloom?
har maut ka posheeda taqaaza hai qayaamat!
جس موت کا پوشیدہ تقاضا ہے قیامت
اس موت کے پھندے میں گرفتار نہیں میں
jis maut ka posheeda taqaaza hai qayaamat
us maut ke phande mein giraftaar nahin main
ہر چند کہ ہوں مردۂ صد سالہ ولیکن
ظلمت کدۂ خاک سے بیزار نہیں میں
har chand ke hoon murda-e-sad-saala waleken
zulmat-kada-e-khaak se bezaar nahin main
ہو روح پھر اک بار سوارِ بدنِ زار
ایسی ہے قیامت تو خریدار نہیں میں
ho rooh phir ik baar sawaar-e-badan-e-zaar
aisi hai qayaamat to khareedaar nahin main
نے نصیبِ مار و کژدم، نے نصیبِ دام و دد
ہے فقط محکوم قوموں کے لیے مرگِ ابد
ne naseeb-e-maar o kazhdum, ne naseeb-e-daam o dad
hai faqat mahkoom qaumon ke liye marg-e-abad
بانگِ اسرافیل ان کو زندہ کر سکتی نہیں
روح سے تھا زندگی میں بھی تہی جن کا جسد
baang-e-Israafeel un ko zinda kar sakti nahin
rooh se tha zindagi mein bhi tahi jin ka jasad
مر کے جی اٹھنا فقط آزاد مردوں کا ہے کام
گرچہ ہر ذی روح کی منزل ہے آغوشِ لحد
mar ke ji uthna faqat aazaad mardon ka hai kaam
garche har zi-rooh ki manzil hai aaghosh-e-lahad
آہ، ظالم! تو جہاں میں بندۂ محکوم تھا
میں نہ سمجھی تھی کہ ہے کیوں خاک میری سوز ناک
aah, zaalim! tu jahaan mein banda-e-mahkoom tha
main na samjhi thi ke hai kyon khaak meri soznaak
تیری میت سے مری تاریکیاں تاریک تر
تیری میت سے زمیں کا پردۂ ناموس چاک
teri mayyat se meri taareekiyaan taareek-tar
teri mayyat se zameen ka parda-e-naamoos chaak
الحذر، محکوم کی میت سے سو بار الحذر
اے سرافیل! اے خدائے کائنات! اے جانِ پاک!
al-hazar, mahkoom ki mayyat se sau baar al-hazar
ae Saraafeel! ae Khuda-e-kaainaat! ae jaan-e-paak!
گرچہ برہم ہے قیامت سے نظامِ ہست و بود
ہیں اسی آشوب سے بے پردہ اسرارِ وجود
garche barham hai qayaamat se nizaam-e-hast o bood
hain isi aashob se be-parda asraar-e-wujood
زلزلے سے کوہ و در اڑتے ہیں مانندِ سحاب
زلزلے سے وادیوں میں تازہ چشموں کی نمود
zalzale se koh o dar udte hain maanind-e-sahaab
zalzale se waadiyon mein taaza chashmon ki namood
ہر نئی تعمیر کو لازم ہے تخریبِ تمام
ہے اسی میں مشکلاتِ زندگانی کی کشود
har nai taameer ko laazim hai takhreeb-e-tamaam
hai isi mein mushkilaat-e-zindagaani ki kushood
آہ یہ مرگِ دوام، آہ یہ رزمِ حیات
ختم بھی ہوگی کبھی کشمکشِ کائنات!
aah ye marg-e-dawaam, aah ye razm-e-hayaat
khatm bhi hogi kabhi kashmakash-e-kaainaat!
عقل کو ملتی نہیں اپنے بتوں سے نجات
عارف و عامی تمام بندۂ لات و منات
aql ko milti nahin apne buton se najaat
aarif o aami tamaam banda-e-Laat o Manaat
خوار ہوا کس قدر آدمِ یزداں صفات
قلب و نظر پر گراں ایسے جہاں کا ثبات
کیوں نہیں ہوتی سحر حضرتِ انساں کی رات؟
khwaar hua kis qadar Aadam-e-Yazdaan-sifaat
qalb o nazar par giraan aise jahaan ka sabaat
kyon nahin hoti sahar Hazrat-e-Insaan ki raat?
