نہیں ہوا میں یہ بو نافۂ ختن کی سی
لپٹ ہے یہ تو کسی زلف پر شکن کی سی
Nahin hawa mein ye bu nafa-e-Khutan ki si
Lipat hai ye to kisi zulf-e-pur-shikan ki si
میں ہنس کے اس لیے منہ چومتا ہوں غنچہ کا
کہ کچھ نشانی ہے اس میں ترے دہن کی سی
Main hans ke is liye munh chumta hun ghunche ka
Ki kuchh nishani hai us mein tere dahan ki si
ہزار تن کے چلیں بانکے خوب رو لیکن
کسی میں آن نہیں تیرے بانکپن کی سی
Hazar tan ke chalen banke khub-ru lekin
Kisi mein aan nahin tere bankpan ki si
مجھے تو اس پہ نہایت ہی رشک آتا ہے
کہ جس کے ہاتھ نے پوشاک تیرے تن کی سی
Mujhe to us pe nihayat hi rashk aata hai
Ki jis ke haath ne poshak tere tan ki si
کہا جو تم نے کہ منکا ڈھلا تو آؤں گا
ہے بات کچھ نہ کچھ اس میں بھی مکر و فن کی سی
Kaha jo tum ne ki manka dhala to aaunga
Hai baat kuchh na kuchh is mein bhi makr-o-fan ki si
وگرنہ سچ ہے تو اے جان اتنی مدت میں
یہی بس ایک کہی تم نے میرے من کی سی
Wagarna sach hai tu ae jaan itni muddat mein
Yahi bas ek kahi tum ne mere man ki si
کہاں تو اور کہاں اس پری کا وصل نظیرؔ
میاں تو چھوڑ یہ باتیں دوانے پن کی سی
Kahan tu aur kahan us pari ka wasl Nazir
Miyan tu chhod ye baaten diwane-pan ki si
